ວາລະປະຊຸມຄົບຄະນະກຳມາທິການກົດໝາຍຂອງສະພາແຫ່ງຊາດ
ວາລະປະຊຸມຄົບຄະນະກຳມາທິການກົດໝາຍຂອງສະພາແຫ່ງຊາດ
(ພາບ: xaluan.com)
(vovworld) – ຕອນເຊົ້າວັນທີ 19/5, ກຳມາທິການກົດໝາຍຂອງສະພາແຫ່ງຊາດ ໄດ້ຈັດຕັ້ງວາລະປະຊຸມຄົບຄະນະຄັ້ງທີ 6 ປຶກສາຫາລືແຜນຮ່າງສືບຕໍ່ປ່ຽນໃໝ່, ຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະພາແຫ່ງຊາດກ່ອນທີ່ຍື່ນສະເໜີຕໍ່ສະພາແຫ່ງຊາດໃນສະໄໝປະຊຸມຈະມາເຖິງ. ທ່ານຮອງປະທານສະພາແຫ່ງຊາດ Uong Chu Luu ເປັນປະທານວາລະປະຊຸມ. ການເຄື່ອນໄຫວຕິດຕາມກວດກາ, ພິເສດແມ່ນການປ່ອນບັດໄວ້ວາງໃຈສຳລັບບາງຕຳແໜ່ງໂດຍສະພາແຫ່ງຊາດເລືອກຕັ້ງ ຫຼື ໃຫ້ສັດຕະຍາບັນໄດ້ຮັບການປຶກສາຫາລື ແລະ ປະກອບຄຳເຫັນຫຼາຍທີ່ສຸດ.
ກ່ຽວກັບການເຄຶ່ອນໄຫວພົບປະກັບຜູ້ມີສິດເລືອກຕັ້ງ, ບັນດາສະມາຊິກສະພາແຫ່ງຊາດລ້ວນແຕ່ເຫັນດີເຫັນພ້ອມ ກັບການຈັດຕັ້ງຫຼາຍຮູບແບບພົບປະ, ປະກາດເນື້ອໃນ, ລາຍການ, ເວລາພົບປະກັບຜູ້ມີສິດເລືອກຕັ້ງຂອງສະມາຊິກສະພາແຫ່ງຊາດຢ່າງເປີດເຜິີຍ, ກໍຄືເພີ່ມທະວີການພົບປະໂດຍກົງ. ທ່ານ Dinh Xuan Thao, ຫົວໜ້າສະຖາບັນຄົ້ນຄ້ວາດ້ານນິຕິບັນຍັດ, ສະມາຊິກກຳມາທິການກົດໝາຍ ຖືວ່າ:
“ເຖິງວ່າສະພາແຫ່ງຊາດຍັງບໍ່ທັນຮັບຮອງເອົາ, ແຕ່ຂ້າພະເຈົ້າເຫັນວ່າໄດ້ເສີມຂະຫຍາຍໃນການດຳລົງຊີວິດແລ້ວ. ຄືບັນຫາພົບປະກັບຜູ້ມີສິດເລືອກຕັ້ງ, ຢູ່ຮ່າໂນ້ຍ ໄດ້ເປີດເພີຍທຸກໆສະຖານທີ່ ແລະ ທຸກໆພາກສ່ວນໄດ້ພົບປະ, ສຳລັບຜູ້ມີສິດເລືອກຕັ້ງແມ່ນນັກປັນຍາຊົນ, ນັກວິທະຍາສາດ ເຂົາເຈົ້າໄດ້ປະກອບຄຳເຫັນດີຫຼາຍ, ມີລະດັບສູງ, ມະຫາພາກໃນການສ້າງ, ປະກອບຄຳເຫັນໃຫ້ແກ່ລັດຖະບານກ່ຽວກັບການວາງນະໂຍບາຍໃນປະຈຸບັນ.”