(vovworld) – ໂດຍສືບຕໍ່ລາຍການເຮັດວຽກຂອງກອງປະຊຸມຄັ້ງທີ 20, ຕອນເຊົ້າວັນທີ 14/8, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນໃສ່ຮ່າງດຳລັດກ່ຽວກັບດຳເນີນທຸລະກິດ, ການພະນັນແຂ່ງມ້າ, ແຂ່ງໝາ ແລະ ເຕະບານະສາກົນ ກໍ່ຄືດຳລັດກ່ຽວກັບການເຄື່ອນໄຫວດຳເນີນທຸລະກິດ casino. ເມື່ອປຶກສາຫາລືທີ່ກອງປະຊຸມ, ບັນດາສະມາຊິກຄະນະປະຈຳສະພາແຫ່ງຊາດຖືວ່າ: ການເຄື່ອນໄຫວດຳເນີນທຸລະກິດການພະນັນແຂ່ງມ້າ, ແຂ່ງໝາ ແລະ ເຕະບານສາກົນ ແມ່ນການເຄື່ອນໄຫວດຳເນີນທຸລະກິດມີເງື່ອນໄຂ, ແມ່ນບັນຫາມີຄວາມສະດຸງໄວ, ມີການກະທົບເຖິງຫຼາຍດ້ານເສດຖະກິດ ສັງຄົມ, ວັດທະນະທຳ, ຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ. ດັ່ງນັ້ນ, ລັດຖະບານຄວນຄິດໄລ່ຊັງຊາຕີລາຄາຜົນສະທ້ອນຢ່າງຄົບຖ້ວນ. ທ່ານ ຟານຈູງຫຼີ, ຫົວໜ້າກຳມາທິການກົດໝາຍຂອງສະພາແຫ່ງຊາດ, ຖືວ່າ:
“ກ່ຽວກັບແຜນນະໂຍບາຍໃຫ້ດຳເນີນທຸລະກິດ, ຂ້າພະເຈົ້າສະໜັບສະໜູນແຜນນະໂຍບາຍນັ້ນ ແລະ ຂ້າພະເຈົ້າສະເໜີໃຫ້ຄະນະປະຈຳສະພາແຫ່ງຊາດຄວນມີມະຕິອະນຸຍາດໃຫ້ບັນຫານີ້. ໃນນັ້ນ ໃສ່ໃຈລັດຖະບານບາງເນື້ອໃນ, ບັນຫາເມື່ອປະກາດໃຊ້ດຳລັດນີ້, ກ່ອນອື່ນໝົດຕ້ອງຕີລາຄາດ້ານດີກໍ່ຄືບັນດາສິ່ງຫຍໍ້ທໍ້ເມື່ອພວກເຮົາອະນຸຍາດໃຫ້ດຳເນີນທຸລະກິດນີ້ຢ່າງຄົບຖ້ວນ.”
ແລະກໍ່ໃນວັນດຽວກັນ, ຄະນະປະຈຳສະພາແຫ່ງຊາດໄດ້ປຶກສາຫາລືກ່ຽວກັບຮ່າງດຳລັດເຄື່ອນໄຫວດຳເນີນທຸລະກິດ casino. ຄຳເຫັນສ່ວນຫຼາຍເຫັນດີເປັນເອກະສັນຖືວ່າ: ນີ້ແມ່ນການເຄື່ອນໄຫວດຳເນີນທຸລະກິດມີຄວາມສະດຸງໄວ, ບໍ່ສົ່ງເສີມພັດທະນາ.