(vovworld) - ວັນ​ທີ 13/03, ທ່າ​ນ​ຮອງ​ຜູ້​ຕາງ​ໜ້າ​ຄະ​ນະ​ປະ​ຕິ​ບັດ​ງານ​ສ​ປ​ປ.ເກົາ​ຫຼີ ປະ​ຈຳ​ສະ​ຫະ​ປະ​ຊາ​ຊາດ Kim In Ryong, ໄດ້​ກ່າວ​ຫາ​ອາ​ເມ​ລິ​ກາ ແລະ ສ.ເກົາ​ຫຼີ ນຳ​ໃຊ້ຄວາມ​ເຄັ່ງ​ຕຶງ​ດ້ານ​ການ​ເມືອງ ແລະ ການ​ທະ​ຫານ​ໃນ​ແຫຼມ​ເກົາ​ຫຼີ ເພື່ອ “ຍູ້​ສະ​ພາບ​ການ​​ໃຫ້ຕົກ​ເຂົ້າ​ສູ່​​ສົງ​ຄາມ​ນິວ​ເຄຼຍ”, ພ້ອ​ມ​ທັງ​ປົກ​ປ້​ອງ​ເຫດ​ຍິງ​ລູກ​ສອນ​ໄຟ​​ນຳ​ວິ​ຖີ​ຄັ້ງ​ຫຼ້າ​ສຸດ​ຂອງ​ປະ​ເທດນີ້. ທ່ານ Kim In Ryong ຢືນ​ຢັນ​ວ່າ, ເຫດ​ຍິງ​ລູກ​ສອນ​ໄຟ​​ນຳ​ວິ​ຖີ​ ຜ່ານ​ມາ​ແມ່ນ​ການ​ກະ​ທຳ​ປ້ອ​ງ​ກັນ​ຕົນ​ເອງ ແລະ ​ສິດ​ປ້ອງ​ກັນ​ຕົວ​ຂອງ​ປະ​ເທດ​ມີອ​ະ​ທິ​ປະ​ໄຕ​ເພື່ອ​ຮັກ​ສາ​ລະ​ດັບ​ກ່າວ​ເຕືອນ​ສູງ ຍ້ອນ​ສະ​ພາບ​ການ​ຢູ່​ແກຼມ​ເກົາ​ຫຼີ ເຊິ່ງ​ຕາມນັ້ນ​ແລ້ວ​ແມ່ນ​ສົງ​ຄາມ​​ອາ​ດ​ຈະ​ເກີດ​ຂຶ້ນ​ຢ່າງ​ແທ້​ຈິງ ໃນ​ບໍ່​ວ່າ​ເວ​ລາ​ໃດ. ທ່ານ Kim In Ryong ຖະ​ແຫຼງວ່າ, ພຽງ​ຢາງ ຈະ “ກວາດ​ລ້າງ​ໂດ​ຍບໍ່​ມີ​ການ​ປະ​ນິ​ປະ​ນອມ​​ຕໍ່​ພວກກົດຂີ່”.

        ກ່ຽວ​ຂ້ອງ​ເຖິງ​​ເຫດ​ຜົນ​ລະ​ເມືອງ​​ສ​ປ​ປ.ເກົ​າ​ຫຼີ ຖື​ໜັງ​ສື​ຜ່ານ​ແດນ ​ມີ​ຊື່​ວ່າ Kim Jong ຖືກ​ເສຍ​ຊີ​ວິດຢູ່​ມາ​ເລ​ເຊຍ, ທ່ານ Kim In Ryong ກໍ່​ຖື​ວ່າ, ການ​ກະ​ທຳ​ດັ່ງ​ກ່າວ​ແມ່​ນຍ້ອນ​ອາ​ເມ​ລິ​ກາ ແລະ ສ.ເກົາ​ຫີຼ ປະ​ຕິ​ບັດ​ເພື່ອ​ຈຸດ​ປະ​ສົງ​​ດ້ານການ​ເມືອງ​ທີ່​ອັນ​ຕະ​ລາຍ ເພື່ອ​ແນ​ໃສ່​ທຳ​ລາຍ​ພາບ​ພົດ​ຂອງ​ປະ​ເທດນີ້.