(vovworld) - ວັນທີ 15/04, ທ່ານຮອງປະທານພັກແຮງງານສປປ.ເກົາຫຼີ Choe Ryong Hae ຖະແຫຼງວ່າ, ປະເທດນີ້ພ້ອມແລ້ວທີ່ຈະໂຕ້ຕອບທຸກການບຸກໂຈມຕີດ້ານນິວເຄຼຍຂອງອາເມລິກາ. ທ່ານ Choe Ryong Hae ໄດ້ຍົກອອກຄຳຖະແຫຼງດັ່ງກ່າວໃນບົດກ່າວປາໄສຢູ່ສະໜາມຫຼວງ Kim Il Sung ຢູ່ນະຄອນຫຼວງພຽງຢາງ, ເຊິ່ງແມ່ນແຫ່ງດຳເນີນພິທີ ເດີນສວນສະໜາມສະແດງກຳລັງຂະໜາດໃຫຍ່ ເນື່ອງໃນໂອກາດສະເຫຼີມສະຫຼອງ 105 ປີແຫ່ງວັນຄ້າຍວັນເກີດຜູ້ກໍ່ຕັ້ງລັດ, ທ່ານອະດີດປະທານ Kim Il Sung. ຄຳຖະແຫຼງດັ່ງກ່າວຖືກຍົກອອມາໃນສະພາບ ອາເມລິກາ ພວມເພີ່ມຄວາມກົດດັ່ນຕ່ໍສປປ.ເກົາຫຼີ ເພື່ອແນໃສ່ຍົກເລີກໂຄງການພັດທະນາອາວຸດນິວເຄຼຍຂອງພຽງຢາງ. ອາເມລິກາ ໄດ້ຈັດສົ່ງກ່ຳປັ່ນສະໜາມບິນ ແລະ ກ່ຳປັ່ນຂັບໄລ່ສາມາດຍິງລູກສອນໄຟນຳວິຖີ Tamahawk ຫຼາຍລຳເຖິງແຫຼມເກົາຫຼີ.
ໃນເຫດການທີ່ກ່ຽວຂ້ອງ, ບໍລິສັດການບິນ Air China ຂອງຈີນ ແຈ້ງວ່າ, ຈະຢຸດຕິບັນດາສາຍການບິນໂດຍຊົ່ວຄາວລະຫວ່າງປັກກີງ - ພຽງຢາງ ນັບແຕ່ວັນທີ 17/04 ຈະມາເຖິງ. ວັນທີ 14/04, ສະພາປ້ອງກັນຄວາມສະຫງົບແຫ່ງຊາດຍີ່ປຸ່ນ ໄດ້ຈັດກອງປະຊຸມສ້າງແຜນການຍົກຍ້າຍພົນລະເມືອງປະເທດນີ້ເກືອບ 60.000 ຄົນອອກຈາກສ.ເກົາຫຼີ ໃນກໍ່ລະນີເກີດວິກິດການ.