ພິທີມອບລາງວັນ ຢຽນຮົ່ງ (ພາບ: VOV)

ສື່ມວນຊົນຕ້ອງແຜ່ກະຈາຍຈິດໃຈຕັ້ງໜ້າ, ແງ່ຫວັງ, ຄວາມຕັດສິນໃຈໃໝ່, ບັນຍາກາດໃໝ່ຢ່າງແຮງ. ນີ້ແມ່ນສານໂດຍທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ເນັ້ນໜັກຢູ່ພິທີມອບລາງວັນສື່ມວນຊົນທົ່ວປະເທດກ່ຽວກັບສະພາແຫ່ງຊາດ ແລະ ສະພາປະຊາຊົນ (ລາງວັນຢຽນຮົ່ງ) ຄັ້ງທີ 3 - ປີ 2025 ທີ່ ໄດ້ຈັດຂຶ້ນໃນວັນທີ 5 ມັງກອນຢູ່ ຫໍວັດທະນະທຳ ແຮງງານມິດຕະພາບ ຫວຽດ - ໂຊ (ຮ່າໂນ້ຍ).

ກ່າວຄຳເຫັນທີ່ພິທີມອບລາງວັນ, ທ່ານປະທານສະພາແຫ່ງຊາດ ເຈິ່ນແທັງເໝິນໃຫ້ຮູ້ວ່າ ຢູ່ພິທີມອບລາງວັນຢຽນຮົ່ງ ປີນີ້, ຄະນະຈັດຕັ້ງໄດ້ຮັບຫຼາຍຜົນງານສື່ມວນຊົນດີເດັ່ນຫຼາຍຢ່າງດ້ວຍການຊອກຮູ້ທີ່ໃໝ່ອ່ຽມ, ມີຫົວຄິດປະດິດສ້າງ, ດຶງດູດໃຈ, ເປັນໜ້າເຊື່ອຖື. ມີຫຼາຍບົດຂຽນໄດ້ຍົກໃຫ້ເຫັນຢ່າງຈະແຈ້ງບັນດາຄວາມມານະພະຍາຍາມ, ຄວາມຕັດສິນໃຈປ່ຽນແປງໃໝ່, ຍົກສູງຄຸນນະພາບໃນການເຄື່ອນໄຫວ ແລະ ມີໝາກຜົນສຳຄັນຫຼາຍຢ່າງຂອງສະພາແຫ່ງຊາດໃນຫຼາຍປີຜ່ານມາ. ທ່ານປະທານສະພາແຫ່ງຊາດ ເນັ້ນໜັກວ່າ:

ພິເສດ, ສື່ມວນຊົນຕ້ອງແຜ່ກະຈາຍຈິດໃຈຕັ້ງໜ້າ, ແງ່ຫວັງ, ຄວາມຕັດສິນໃຈໃໝ່, ບັນຍາກາດໃໝ່ຢ່າງແຮງ ໃນທົ່ວພັກ, ທົ່ວປວງຊົນ, ທົ່ວກອງທັບ, ເປັນຕົ້ນແມ່ນບັນດາສານໂດຍທ່ານເລຂາທິການໃຫຍ່ ໂຕເລິມ ກໍ່ແມ່ນແຜນນະໂຍບາຍການນຳພາຂອງພັກກ່ຽວກັບສັງກາດບຸກບືນຂອງຊາດ.