ສື່ມວນຊົນພາຍໃນປະເທດແລະສາກົນສ່ອງແສງກ່ຽວກັບກອງປະຊຸມໃຫຍ່ຄັ້ງທີ12ຂອງພັກກອມມູນິດຫວຽດນາມ
ພາບປະກອບ
|
(vovworld) – ວັນທີ 20/1, ໃນໜ້າຫຼັກຂອງໜັງສືພິມໃຫຍ່ຕ່າງໆຂອງ ຫວຽດນາມ ລ້ວນແຕ່ມີແຖວໜັງສື “ຂຳ່ນັບຮັບຕ້ອນກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ”. ໜັງສືພິມ ເຍີນເຢີນ (ກະບອກສຽງຂອງພັກກອມມູນິດ ຫວຽດນາມ) ມີບົດຂຽນທີ່ພາດຫົວຂໍ້ວ່າ: “ບັນດາໄລຍະທາງອັນທີ່ສະຫງ່າລາສີຂອງພັກ”. ໜັງສືພິມ ກວນໂດ້ຍເຍີນເຢີນ (ສຽງຂອງກອງທັບປະຊາຊົນ ຫວຽດນາມ) ມີບົດຂຽນ: “ພັກກອມມູນິດ ຫວຽດນາມ ຜ່ານກອງປະຊຸມໃຫຍ່ຄັ້ງຕ່າງໆ”. ໃນຂະນະນັ້ນ, ໜັງສືພິມ ຕິນຕຶກ (ແປວ່າຂ່າວຄາວ)ຂອງສຳນັກຂ່າວສານ ຫວຽດນາມ ມີບົດຂຽນຢັ້ງຢືນ ກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ ແມ່ນກອງປະຊຸມແຫ່ງຈິນຕະນາການຂອງພັກ, ຈິດໃຈຂອງປະຊາຊົນ. ໜັງສືພິມ ແທງນຽນ, ເຊິ່ງແມ່ນເວທີປາໄສຂອງສະຫະພັນຊາວໜຸ່ມ ຫວຽດນາມ, ມີພາບຖ່າຍສ່ອງແສງໃຫ້ເຫັນບັນຍາກາດຂອງນະຄອນຫຼວງຮ່າໂນ້ຍ ກ່ອນວັນຈັດຕັ້ງກອງປະຊຸມໃຫຍ່.
ກໍເນື່ອງໃນໂອກາດນີ້, ສື່ມວນຊົນຂອງ ຈີນ ຄື: ເຄືອຂ່າຍອິນເຕີເນັດ ເຢີນໝິນ, ສຳນັກຂ່າວສານ ຊິນຮວາ ໄດ້ໃຫ້ຂ່າວຢ່າງຫຼວງຫຼາຍກ່ຽວກັບວຽກງານກະກຽມ ກໍຄືໂຄງການດຳເນີນງານຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດ ຫວຽດນາມ. ເຄືອຂ່າຍອິນເຕີເນັດ ເຢີນໝິນ ໄດ້ແນະນຳພາບຖ່າຍ 10 ແຜ່ນທີ່ສ່ອງແສງໃຫ້ເຫັນບັນຍາກາດນະຄອນຫຼວງ ຮ່າໂນ້ຍ ດ້ວຍການປະດັບປະດາຖະໜົນຫົນທາງ “ຊົມເຊີຍພັກ, ຊົມເຊີຍລະດູບານໃໝ່”. ສຳນັກຂ່າວສານ ຊິນຮວາ ມີບົດຂຽນດ້ວຍຫົວຂໍ້ “ເປັນຫຍັງກອງປະຊຸມໃຫຍ່ຂອງພັກກອມມູນິດ ຫວຽດນາມ ຄັ້ງທີ 12 ໄດ້ຮັບຄວາມເອົາໃຈໃສ່”.