ສະຖານທູດຫວຽດນາມປະຈຳຍີ່ຢຸ່ນຈັດຕັ້ງພິທີສະເຫຼີມສະຫຼອງວັນຊາດ02/09
ສະຖານທູດ ຫວຽດນາມ ປະຈຳ ຍີ່ປຸ່ນ ຈັດຕັ້ງ
ພິທີສະເຫຼີມສະຫຼອງ 71 ປີແຫ່ງການວັນຊາດ
(vovworld) - ຕອນຄ່ຳວັນທີ 31/08 ສະຖານທູດ ຫວຽດນາມ ປະຈຳ ຍີ່ປຸ່ນ ຈັດຕັ້ງພິທີສະເຫຼີມສະຫຼອງ 71 ປີແຫ່ງການວັນຊາດ ສາທາລະນະລັດ ສັງຄົມນິຍົມ ຫວຽດນາມ (02/09/1945 – 02/09/2016) ຢ່າງສົມກຽດ ດ້ວຍການເຂົ້າຮ່ວມຂອງຜູ້ແທນເກືອບ 400 ທ່ານ ເຊິ່ງແມ່ນບັນດາເຈົ້າໜ້າທີ່ຂັ້ນສູງຂອງລັດຖະບານ, ສະມາຊິກລັດຖະສະພາ, ການນຳບັນດາທ້ອງຖິ່ນຂອງ ຍີ່ປຸ່ນ; ຄະນະທູຕານຸທູດ, ສະຖານທູດບັນດາປະເທດ ອາຊຽນ, ປະຊາຄົມວິສາຫະກິດ ຍີ່ປຸ່ນ ແລະ ຫວຽດນາມ, ພ້ອມກັບພໍ່ແມ່ປະຊາຄົມຊາວ ຫວຽດນາມ ອາໄສຢູ່ ຍີ່ປຸ່ນ. ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຫງວຽນກວກເກື່ອງ ເນັ້ນໜັກວ່າ ບົດບາດໃຫຍ່ຫລວງຂອງ ຍີ່ປຸ່ນ ຍາມໃດກໍ່ຮ່ວມເດີນທາງບົນເສັ້ນທາງປະຕິຮູບຂອງ ຫວຽດນາມ. ທ່ານເອກອັກຄະລັດຖະທູດ ຫງວຽນກວກເກື່ອງ ກໍ່ໃຫ້ຮູ້ວ່າ: ຫວຽດນາມ - ຍີ່ປຸ່ນ ໄດ້ກາຍເປັນຄູ່ຮ່ວມມືສຳຄັນເຊິ່ງກັນ ແລະ ກັນໃນທຸກຂົງເຂດ ນັບແຕ່ດ້ານການເມືອງ, ການທູດ, ເສດຖະກິດຕະຫລອດຮອດການປ້ອງກັນຊາດ, ປ້ອງກັນຄວາມສະຫງົບ. ໃນນັ້ນ ຜົນສຳເລັດທີ່ສຸດໃນການພົວພັນ 2 ຝ່າຍລະຫວ່າງ 2 ປະເທດນັ້ນແມ່ນການພັດທະນາແຫຼ່ງຊັບພະຍາກອນມະນຸດ.