ສະພາແຫ່ງຊາດປຶກສາຫາລືກ່ຽວກັບປະມວນກົດໝາຍວ່າດ້ວຍການດຳເນີນຄະດີແພ່ງ(ສະບັບປັບປຸງ)
ວາລະປະຊຸມຂອງສະພາແຫ່ງຊາດໃນວັນທີ 15/6
(ພາບ: vovgiaothong.vn)
|
(vovworld) – ໃນວັນທີ 15/6, ສະພາແຫ່ງຊາດໄດ້ສະຫງວນເວລາມື້ໜຶ່ງເພື່ອປຶກສາຫາລືກ່ຽວກັບປະມວນກົດໝາຍວ່າດ້ວຍການດຳເນີນຄະດີແພ່ງ (ສະບັບປັບປຸງ). ບັນດາສະມາຊິກສະພາແຫ່ງຊາດ (ສສຊ) ຖືວ່າ: ປະມວນກົດໝາຍວ່າດ້ວຍການດຳເນີນຄະດີແພ່ງ (ສະບັບປັບປຸງ) ໄດ້ຫັນຫຼາຍຂໍ້ກຳນົດຂອງລັດຖະທຳມະນູນ, ກົດໝາຍວ່າດ້ວຍການຈັ້ດຕັ້ງສານປະຊາຊົນເປັນລະອຽດ, ຮັບປະກັນຄວາມເປັນເອກະພາບກັບບັນດາເອກະສານນິຕິກຳອື່ນໆຢ່າງຄົບຊຸດ. ບັນດາສະມາຊິກສະພາແຫ່ງຊາດຖືວ່າ: ຮ່າງປະມວນກົດໝາຍດັ່ງກ່າວຕ້ອງເຮັດແຈ້ງບັນດາເງື່ອນໄຂຮັບປະກັນການໂຕ້ຄວາມ, ລະບຽບການໂຕ້ຄວາມໃນບັນດາໄລຍະຂອງການດຳເນີນຄະດີ. ທ່ານ ຫງວຽນມິງເລີມ, ສສຊ ແຂວງ ລອງອານ, ປະກອບຄຳເຫັນວ່າ:
“ຕາມຂ້າພະເຈົ້າແລ້ວ, ຄວນຮັກສາບັນດາຂໍ້ກຳນົດຂອງປະມວນກົດໝາຍວ່າດ້ວຍການດຳເນີນຄະດີອາຍາ ສະບັບປັບປຸງເພີ່ມເຕີມປີ 2011 ກ່ຽວກັບການຄວບຄຸມເລື່ອງປະຕິບັດກົດໝາຍໃນການດຳເນີນຄະດີແພ່ງ. ຍ້ອນວ່າເລື່ອງເຂົ້າຮ່ວມຂອງຜູ້ຕາງໜ້າອົງການໄອຍະການຢູ່ການປະຊຸມສານເພື່ອແນໃສ່ຮັບປະກັນການເຄື່ອນໄຫວໄລຍະການໄດ້ປະຕິບັດຢ່າງຮອບດ້ານ. ປະມວນກົດໝາຍວ່າດ້ວຍການດຳເນີນຄະດີແພ່ງ ສະບັບປັບປຸງ ຄັ້ງນີ້ກຳນົດກ່ຽວກັບພັນທະຢັ້ງຢືນຂອງຜູ້ກ່ຽວ.”