ສະຫຼຸບວຽກງານບໍ່ ຂຶ້ນກັບລັດຖະບານ ຕ່າງປະເທດປີ 2014
(ພາບປະກອບ)
(vovworld) - ໃນປີ 2014, ຫວຽດນາມໄດ້ຕ້ອນຮັບແຂກ 1.860 ເທື່ອຄົນ, ທີ່ຂຶ້ນກັບ 760 ຄະນະຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ ທີ່ເຂົ້າມາໜູນຊ່ວຍຫວຽດນາມ ຜັນຂະຫຍາຍໂຄງການຕ່າງໆ. ມູນຄ່າຊ່ວຍເຫຼືອຂອງບັນດາອົງການບໍ່ຂຶ້ນກັບລັດຖະບານຕ່າງປະເທດໃຫ້ແກ່ຫວຽດນາມບໍ່ລຸດລົງ, ບັນລຸກວ່າ 300 ລ້ານດົ່ງ. ຈຳນວນອົງການບໍ່ຂຶ້ນກັບລັດຖະບານຕ່າງປະເທດເຄື່ອນໄຫວຢູ່ຫວຽດນາມ ສືບຕໍ່ເພີ່ມຂຶ້ນ. ທ່ານ ຫງວຽນງອກຮຸ່ງ, ຮອງຫົວໜ້າຄະນະປະສານງານຊ່ວຍເຫຼືອປະຊາຊົນທີ່ຂຶ້ນກັບສະຫະພັນບັນດາອົງການມິດຕະພາບຫວຽດນາມ, ໃຫ້ຮູ້ວ່າ:
“ພວກເຮົາດີໃຈຫຼາຍ, ເພາະວ່າໃນປີ 2014 ຫວຽດນາມ ໄດ້ຕ້ອນຮັບ 42 ອົງການບໍ່ຂຶ້ນກັບລັດຖະບານໃໝ່ເຂົ້າເຄື່ອນໄຫວ. ເປັນທີ່ຈະແຈ້ງແລ້ວວ່າ, ບັນດາອົງການບໍ່ຂຶ້ນກັບລັດຖະບານຍັງສົນໃຈເຖິງຫວຽດນາມທີ່ສຸດ ແລະ ເຂົາເຈົ້າໄດ້ຕີລາຄາສູງນະໂຍບາຍກໍ່ຄືຜົນງານຂອງຫວຽດນາມ ໃນວຽກງານລົບລ້າງຄວາມອຶດຫີວຫຼຸດຜ່ອນຄວາມທຸກຍາກ, ການພັດທະນາແບບຍືນຍົງ… ຍ້ອນເຫດນັ້ນເຂົາເຈົ້າຈຶ່ງເລືອກຫວຽດນາມເປັນບ່ອນເຂົ້າມາເຄື່ອນໄຫວ “.
ກ່າວຄຳເຫັນອັດກອງປະຊຸມ, ທ່ານ ໂຮ່ຊວນເຊີນ, ລັດຖະມົນຕີຊ່ວຍວ່າການກະຊວງການຕ່າງປະເທດຫວຽດນາມ, ຮອງຫົວໜ້າຄະນະກຳມະການວຽກງານບໍ່ຂຶ້ນກັບລັດຖະບານຕ່າງປະເທດຢືນຢັນວ່າ, ໃນໄລຍະພັດທະນາໃໝ່, ຫວຽດນາມ ຍັງຄົງຕ້ອງການໄດ້ຮັບການຊ່ວຍເຫຼືອຈາກ ບັນດາອົງການບໍ່ຂຶ້ນກັບລັດຖະບານຕ່າງປະເທດ. ດັ່ງນັ້ນວຽກງານຈຸດສຸມໃນປີ 2015 ຂອງຄະນະກຳມະການວຽກງານບໍ່ຂຶ້ນກັບລັດຖະບານຕ່າງປະເທດ ຈະຍູ້ແຮງວຽກງານບໍ່ຂຶ້ນກັບລັດຖະບານຕ່າງປະເທດ, ບໍ່ພຽງແຕ່ໜູນຊ່ວຍຫວຽດນາມ ພັດທະນາເສດຖະກິດ - ສັງຄົມເທົ່ານັ້ນ, ຫາກຍັງສະໜັບສະໜູນຫວຽດນາມ ໃນທຸກຂົງເຂດອີກດ້ວຍ, ພິເສດແມ່ນບັນດາບັນຫາສຳຄັນທີ່ເໝາະສົມກັບທິດທາງພັດທະນາຂອງຫວຽດນາມ.