ສະຫະພັນລັດເຊຍແມ່ນ ຕະຫຼາດບົ່ມຊ້ອນຂອງ ວິສາຫະກິດຫວຽດນາມ
Điệp Anh-Đoan Hải -
(ພາບ: http://vovworld.vn)
(vovworld) – ວັນທີ 15/9, ຢູ່ນະຄອນຫຼວງມົດສະກູ, ສະຫະພັນລັດເຊຍ, ໄດ້ຈັດການພົບປະເຈລະຈາ ດ້ວຍຫົວເລື່ອງ “ວິສາຫະກິດຫວຽດນາມ-ກາລະໂອກາດຮ່ວມມືຢູ່ສະຫະພັນລັດເຊຍ“ ເພື່ອແນໃສ່ແນະນຳກັບວິສາຫະກິດຫວຽດນາມ ກ່ຽວກັບໂອກາດລົງທຶນ ແລະ ຄວາມສາມາດບົ່ມຊ້ອນໃນການຮ່ວມມືດ້ານເສດຖະກິດສອງຝ່າຍໃນໄລຍະສະຫະພັນລັດເຊຍ ເຂົ້າເປັນສະມາຊິກອົງການການຄ້າໂລກ (WTO). ທ່ານເຈິນດັງຈຸງ, ປະທານສະມາຄົມວິສາຫະກິດຫວຽດນາມ ປະຈຳສະຫະພັນລັດເຊຍ ໄດ້ແນະນຳບັນດາຂໍ້ສະດວກ ແລະ ຄວາມຫຍຸ້ງຍາກຂອງບັນດາວິສາຫະກິດຫວຽດນາມ ຢູ່ສະຫະພັນລັດເຊຍ ໃນໄລຍະປະຈຸບັນ ແລະ ເນັ້ນໜັກວ່າ, ຕະຫຼາດລັດເຊຍ ມີຄວາມຕ້ອງການດ້ານຜະລິດຕະພັນຈຳເປັນ ແລະ ສະບຽງອາຫານ:
“ສຳລັບບັນດາວິສາຫະກິດຫວຽດນາມ ແລ້ວ, ສະຫະພັນລັດເຊຍ ແມ່ນຕະຫຼາດທີ່ມີຄວາມສາມາດບົ່ມຊ້ອນ. ຂ້າພະເຈົ້າຖືວ່າ, ນີ້ແມ່ນໂອກາດທີ່ດີເພື່ອໃຫ້ບັນດາວິສາຫະກິດຫວຽດນາມ ນຳສິນຄ້າເຂົ້າຕະຫຼາດລັດເຊຍ“.
ໃນໂອກາດນີ້, ຫຼາຍໂຄງການຮ່ວມມືໄດ້ຮັບການລົງນາມ, ໃນນັ້ນ, ມີບັນດາວິສາຫະກິດຫວຽດນາມ ຢູ່ນະຄອນໂຮ່ຈິມິນ ກັບທະນາຄານລົງທຶນພັດທະນາ ແລະ ກຸ່ມບໍລິສັດ Icentra ຢູ່ລັດເຊຍ.
Điệp Anh-Đoan Hải