(vovworld) - ວັນທີ 5/5 ແມ່ນວັນສະເຫຼີມສະຫຼອງ 196 ປີແຫ່ງວັນຄ້າຍວັນເກີດທ່ານ ກາກມາກ (5/5/1818 – 5/5/2014), ນັກປາດອັດສະລິຍະບຸລຸດ, ນັກຮົບກອມມູນິດຜູ້ດີເດັນ, ອາຈານຜູ້ຍິ່ງໃຫຍ່ຂອງຊົນຊັ້ນກຳມະກອນສາກົນ. ບັນດາໜັງສືພິມສຳຄັນຢູ່ ຫວຽດນາມ ໄດ້ໃຫ້ຂ່າວ ແລະ ບົດກ່ຽວກັບເຫດການນີ້.
ໜັງສືພິມ ເຍິນເຢິນ(ສຽງຂອງພັກກອມມູນິດ ຫວຽດນາມ) ໄດ້ລົງພິມຮູບຂອງທ່ານ ກາກມາກ ແລະ ຄັດສະເໜີຄຳເວົ້າຂອງທ່ານປະທານ ໂຮ່ຈີ໋ມິນ ທີ່ຍ້ອງຍໍສັນລະເສີນລັດທິ ມາກ - ເລນິນ.
ໜັງສືພິມກວນໂດ້ຍເຍິນເຢິນ(ສຽງຂອງກອງທັບປະຊາຊົນ ຫວຽດນາມ) ໄດ້ລົງພິມບົດຂຽນດ້ວຍຫົວຂໍ້ວ່າ: “ແນວຄິດ ກາກມາກ ເຍືອງທາງໃຫ້ພາລະກິດປົກປັກຮັກສາປະເທດຊາດຂອງພວກເຮົາ” ຂອງຮອງສາດສະດາຈານ, ດຣ. ຫງວຽນແມ້ງເຫືອງ, ສະຖາບັນວິທະຍາສາດສັງຄົມ - ມະນຸດຊາດການທະຫານ, ກະຊວງປ້ອງກັນປະເທດ. ບົດຂຽນຢືນຢັນວ່າ ພ້ອມກັບທ່ານ ອັງແກນ, ທ່ານ ກາກມາກ ແມ່ນຜູ້ສ້າງພື້ນຖານໃຫ້ແກ່ທິດສະດີຂອງຊົນຊັ້ນກຳມະຊີບກ່ຽວກັບສົງຄາມ ແລະ ກອງທັບ. ໃນສະພາບການໃໝ່, ແນວຄິດຂອງທ່ານ ກາກມາກ ແລະ ທ່ານ ອັງແກນ ກ່ຽວກັບການໃຊ້ຄວາມຮຸນແຮງ, ສົງຄາມ ແລະ ກອງທັບ, ກ່ຽວກັບການປົກປັກຮັກສາໝາກຜົນແຫ່ງການປະຕິວັດນັບມື້ນັບມີຄວາມໝາຍສຳຄັນພິເສດ, ຍັງຄົງຮັກສາຄຸນຄ່າເດີມ ແລະ ລັກສະນະສະຖານະການ.
ໜັງສືພິມ ໄຊ່ງ່ອນ ຢ້າຍຟ໋ອງ ກໍ່ໄດ້ລົງພິມຮູບຂອງທ່ານ ກາກມາກ ຢ່າງສົມກຽດໃນໜ້າທຳອິດ.