ພິທີຍ້ອງຍໍສັນລະເສີນ ນັກສຶກສາດີເດັ່ນຂັ້ນສູນກາງ (ພາບ: VOV)

ຕອນຄ່ຳວັນທີ 5 ມັງກອນ, ຢູ່ປະຕູໂຂງຂອງສວນສາທາລະນະ ໂທ້ງເຍິດ, ຮ່າໂນ້ຍ, ສູນກາງຄະນະຊາວໜຸ່ມກອມມູນິດ ໂຮ່ຈີມິນ, ສູນກາງສະມາຄົມນັກສຶກສາ ຫວຽດນາມ ຈັດພິທີສະເຫຼີມສະຫຼອງ 75 ປີແຫ່ງວັນມູນເຊື້ອນັກຮຽນ, ນັກສຶກສາ ແລະ ສະມາຄົມນັກສຶກສາ ຫວຽດນາມ (09/01/1950 – 09/01/2025). ຢູ່ພິທີ, ສູນກາງຄະນະຊາວໜຸ່ມກອມມູນິດໂຮ່ຈີມິນ ແລະ ສູນກາງສະມາຄົມນັກສຶກສາ ຫວຽດນາມ ໄດ້ຍ້ອງຍໍສັນລະເສີນນັກຮຽນ, ນັກສຶກສາດີເດັ່ນຂັ້ນສູນກາງຈຳນວນ 181 ຄົນ.

ກ່າວຄຳເຫັນທີ່ລາຍການ, ທ່ານນາງ ຫງວຽນທິແທັງ ຮອງປະທານສະພາແຫ່ງຊາດ ຫວຽດນາມ ເນັ້ນໜັກວ່າ ໃນສະພາບການພັດທະນາໃໝ່, ລຸ້ນໜຸ່ມ ຫວຽດນາມ ຕ້ອງສະສົມຄວາມຮູ້, ທັກສະຢ່າງບໍ່ຢຸດຢັ້ງ ເພື່ອສົມກັບເປັນຜູ້ຕາງໜ້າຂອງກຳລັງຜະລິດໃໝ່ໂດຍອີງຕາມພື້ນຖານວິທະຍາສາດເຕັກໂນໂລຢີ, ການຫັນເປັນດີຈີຕອນ, ຫັນເປັນສີຂຽວ. ເພື່ອເຮັດໄດ້ສິ່ງນັ້ນ, ທ່ານນາງ ຫງວຽນທິແທັງ ຮຽກຮ້ອງວ່າ:

ຄະນະຊາວໜຸ່ມກອມມູນິດ ໂຮ່ຈີມິນ, ສະຫະພັນຊາວໜຸ່ມ ຫວຽດນາມ, ສະມາຄົມນັກສຶກສາ ຫວຽດນາມ ດ້ວຍບົດບາດເປັນເພື່ອນມິດທີ່ຍິ່ງໃຫຍ່ຂອງນັກຮຽນ, ນັກສຶກສາ, ຊາວໜຸ່ມ ຫວຽດນາມ ຈະສືບຕໍ່ປ່ຽນແປງໃໝ່ຢ່າງແຮງ, ຍົກສູງຄຸນນະພາບ, ເນື້ອໃນວິທີການເຄື່ອນໄຫວຢ່າງແຮງກ່ວາອີກ ເພື່ອມີຄວາມສະໜິດຕິດພັນອັນແໜ້ນແຟ້ນ, ຫັນບັນດາຄວາມໃຝ່ຝັນຂອງນັກຮຽນ, ນັກສຶກສາທັງຢູ່ພາຍໃນ ແລະ ຕ່າງປະເທດໃຫ້ປະກົດຜົນເປັນຈິງ ດ້ວຍບັນດາຂະບວນການເຄື່ອນໄຫວທີ່ແທດຈິງ.