ທ່ານນາງຮອງປະທານປະເທດຫວຽດນາມ ດັ້ງທິງອັກທິ້ງ ກ່າວຄຳເຫັນທີ່ການພົບປະ

ທີ່ການພົບປະ, ບັນດາສະມາຊິກສະພາແຫ່ງຊາດໄດ້ຫວນຄືນໄລຍະ 75 ປີແຫ່ງການສ້າງຕັ້ງ ແລະ ພັດທະນາຂອງສະພາແຫ່ງຊາດຫວຽດນາມ, ຢັ້ງຢືນການນຳພາອັນສະຫຼາດສ່ອງໃສຂອງພັກ ແລະ ລັດຫວຽດນາມ ສຳລັບຜົນສຳເລັດຢ່າງມີໄຊຂອງການເລືອກຕັ້ງທົ່ວປະເທດ.

        ກ່າວຄຳເຫັນນະທີ່ນີ້, ທ່ານນາງຮອງປະທານປະເທດຫວຽດນາມ ດັ້ງທິງອັກທິ້ງ ຢັ້ງຢືນວ່າ, ພາຍຫຼັງ 35 ປີ ແຫ່ງການປ່ຽນແປງໃໝ່, ບົດບາດຂອງສະພາແຫ່ງຊາດ ນັບມື້ນັບສະແດງອອກໃຫ້ເຫັນຢ່າງຈະແຈ້ງໃນການຕັດສິນຊີ້ຂາດບັນຫາສຳຄັນຂອງປະເທດຊາດ. ບັນຫາທີ່ນຳມາປຶກສາຫາລື, ການປະກອບຄຳເຫັນຢູ່ສະພາແຫ່ງຊາດນັບມື້ນັບມີລັກສະນະປະຊາທິປະໄຕ, ຕອບສະໜອງໄດ້ຕາມຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງ. ທ່ານນາງຮອງປະທານປະເທດ ດັ້ງທິງອັກທິ້ງ ຫວັງວ່າ ໃນໄລຍະຈະມາເຖິງ, ຄະນະສະມາຊິກສະພາແຫ່ງຊາດ ແຂວງ ຫວິງລອງ ຈະເສີມຂະຫຍາຍບົດບາດ, ໜ້າທີ່ຄວາມຮັບຜິດຊອບຂອງຕົນໃນການເຄື່ອນໄຫວສ້າງກົດໝາຍ, ຮັບຟັງຄຳເຫັນຂອງປະຊາຊົນ ແລະ ສະເໜີຕໍ່ອົງການຈັດຕັ້ງລັດ ໃຫ້ຫຼາຍກວ່າອີກ.