ສະເຫລີມສະຫລອງວັນຕົວເມືອງຫວຽດນາມ
(vovworld)- ຕອນເຊົ້າວັນທີ 8/11 ຢູ່ ຮ່າໂນ້ຍ, ກະຊວງກໍ່ສ້າງ, ສະຫະສະມາຄົມບັນດາຕົວເມືອງຫວຽດນາມ ແລະ ສະມາຄົມວາງແຜນຜັງພັດທະນາຕົວເມືອງ ຫວຽດນາມ ຈັດຕັ້ງພິທີຂຳ່ນັບຮັບຕ້ອນ ວັນຕົວເມືອງ (8/11) ພ້ອມທັງປຸກລະດົມຫົວຂໍ້ຂອງປີ 2014 “ສ້າງຕົວເມືອງເຕີບໂຕຂຽວ”. ການປຸກລະດົມດັ່ງກ່າວເພື່ອຮຽກຮ້ອງ
ໃຫ້ບັນດາຕົວເມືອງໃນທົ່ວປະເທດຕອບສະຫນອງ ແລະ ມີແຜນການດຳເນີນງານລະອຽດ ຜັນຂະຫຍາຍການປະຕິບັດແຜນນະໂຍບາຍດັ່ງກ່າວໃນປີ 2014 ແລະ ຊຸມປີຕໍ່ໄປ. ທ່ານ ຫງວຽນແທງງີ້, ຮອງລັດຖະມົນຕີກະຊວງກໍ່ສ້າງ ຫວຽດນາມ ຊີ້ແຈ້ງວ່າ:
“ການເຕີບໂຕຂຽວແມ່ນເນື້ອໃນສຳຄັນຂອງການພັດທະນາແບບຍືນຍົງ, ຮັບປະກັນການພັດທະນາເສດຖະກິດວອ່ງໄວ, ມີປະສິດທິຜົນ, ຍືນຍົງ ແລະ ປະກອບສວ່ນປະຕິບັດຍຸດທະສາດແຫ່ງຊາດກ່ຽວກັບການປ່ຽນແປງຂອງດິນຟ້າອາກາດ. ກໍ່ສ້າງເຂດຕົວເມືອງຕາມທິດພັດທະນາຂຽວ ຕ້ອງປະຕິບັດບັນດາມາດຕະການຢ່າງຄົບຊຸດ.”