(vovworld) – ໜ່ວຍປະຕິບັດງານລະຫວ່າງຂະແໜງກ່ຽວກັບການປະຕິບັດສົນທິສັນຍາສະຫະປະຊາຊາດ ຕ້ານການທໍລະມານ ແລະ ບັນດາຮູບການປະພຶດຕໍ່ ຫຼື ການລົງໂທດຢ່າງໂຫດຮ້າຍ, ໄຮ້ມະນຸດສະທຳ ຫຼື ໃສ່ຮ້າຍປາຍສີມະນຸດ (ໜ່ວຍປະຕິບັດງານສົນທິສັນຍາສະຫະປະຊາຊາດ) ໄດ້ຮັບການສ້າງຕັ້ງຂຶ້ນ ເພື່ອແນໃສ່ເປັນເສນທິການໃຫ້ລັດຖະບານ ໃນການຜັນຂະຫຍາຍການປະຕິບັດສົນທິສັນຍາຕ້ານການທໍລະມານ. ພ້ອມທັງແມ່ນອົງການຈຸດສຸມກ່ຽວກັບສົນທິສັນຍາຕ້ານການທໍລະມານ ແລະ ບັນດາກະຊວງ, ຂະແໜງການທີ່ກ່ຽວຂ້ອງ… ຊ່ວຍລັດຖະບານ ສ້າງ ແລະ ປົກປ້ອງບົດລາຍງານຂອງປະເທດສະມາຊິກ ຕາມຂໍ້ກຳນົດຂອງສົນທິສັນຍາ… ກ່າວຄຳເຫັນທີ່ພິທີປະກາດໃນຕອນເຊົ້າວັນທີ 08/09, ຢູ່ຮ່າໂນ້ຍ, ທ່ານລັດຖະມົນຕີຊ່ວຍວ່າການກະຊວງຕຳຫຼວດ ໂຕເລີມ ຢືນຢັນວ່າ: ເລື່ອງຫວຽດນາມ ກາຍເປັນສະມາຊິກຂອງສົນທິສັນຍາຕ້ານການທໍລະມານຢ່າງເປັນທາງການ ໃນວັນທີ 05/02/2015, ແມ່ນເຫດການການເມືອງ, ການຕ່າງປະເທດຍຸຕິທຳ ມີຄວາມໝາຍສຳຄັນທີ່ສຸດສຳລັບຫວຽດນາມ. ສິ່ງດັ່ງກ່າວໄດ້ສະແດງໃຫ້ເຫັນນະໂຍບາຍມະນຸດສະທຳຂອງພັກ ແລະ ລັດ; ປະກອບສ່ວນຍົດສູງອິດທິພົນຊື່ສຽງ ແລະ ທ່ີຕັ້ງການເມືອງຂອງຫວຽດນາມ ຢູ່ໃນໂລກ.