ກອງປະຊຸມສຳມະນາ “ສ້າງໂຄງປະກອບກະສິກຳຄືນໃໝ່, ດັບປັບໃຫ້ແທດເໝາະກັບການປ່ຽນແປງຂອງດິນຟ້າອາກາດ”
(ພາບ: Bích Hồng/BNEWS/TTXVN)
|
(vovworld) - ຕອນບ່າຍວັນທີ 15/11, ຢູ່ຮ່າໂນ້ຍ, ໜັງສືພິມ ນົງທົນໄງ໋ໄນ ໄດ້ສົມທົບກັບສະຖາບັນນະໂຍບາຍຍຸດທະສາດ ແລະ ພັດທະນາຊົນນະບົດ, ກະຊວງກະສິກຳ ແລະ ພັດທະນາຊົນນະບົດ, ໄດ້ຈັດຕັ້ງກອງປະຊຸມສຳມະນາ “ສ້າງໂຄງປະກອບກະສິກຳຄືນໃໝ່, ດັບປັບໃຫ້ແທດເໝາະກັບການປ່ຽນແປງຂອງດິນຟ້າອາກາດ”. ທີ່ກອງປະຊຸມສຳມະນາ, ບັນດາຜູ້ແທນຖືວ່າ: ການສ້າງໂຄງປະກອບຂະແໜງກະສິກຳຄືນໃໝ່ແມ່ນໜຶ່ງໃນບັນດາການກຳນົດທິດສຳຄັນໃນການພັດທະນາກະສິກຳແບບຍືນຍົງ. ກ່ຽວກັບໄລຍະຍາວ, ການສ້າງໂຄງປະກອບຂະແໜງກະສິກຳຄືນໃໝ່ຕ້ອງຕິດພັນກັບບັນດາມາດຕະການຮັບມືກັບການປ່ຽນແປງຂອງດິນຟ້າອາກາດ, ຕ້ານໄພແຫ້ງແລ້ງ, ນ້ຳທະເລຊຶມເຂົ້າ, ໃນນັ້ນເພີ່ມທະວີການຄຸ້ມຄອງແຫຼ່ງນ້ຳເປັນຢ່າງດີ, ວາງແຜນກຳນົດລະບົບຊົນລະປະທານຄົບຊຸດຕາມເຂດ ເພື່ອຮັກສາບົດບາດໃນການຄຸ້ມຄອງແຫຼ່ງນ້ຳໃຫ້ເປັນຢ່າງດີ. ເລື່ອງພັດທະນາກະສິກຳສະຫຼາດໄດ້ສຸມໃສ່ເຂົ້າ 3 ເສົາຄ້ຳຕົ້ນຕໍນັ້ນແມ່ນຄ້ຳປະກັນດ້ານສະບຽງອາຫານ, ຍົກສູງກຳລັງຄວາມສາມາດຮັບມື ແລະ ຫລຸດຜ່ອນຜົນກະທົບຫຍໍ້ທໍ້ຈາກການປ່ຽນແປງຂອງດິນຟ້າອາກາດ.