ສ.ເກົາຫຼີ: ຈັບຕົວອະດີດລັດຖະມົນຕີກະຊວງປ້ອງກັນປະເທດ Kim Yong Huyn ຢ່າງເປັນທາງການ
(VOVWORLD) - ທ່ານ Kim Yong Hyun ຖືກຈັບຕົວຢ່າງເປັນທາງການ ດ້ວຍຄຳກ່າວຫາວ່າ “ເຂົ້າຮ່ວມບັນດາໜ້າທີ່ສຳຄັນໃນການຈະລາຈົນ” ແລະ “ສວຍໃຊ້ສິດອຳນາດກີດກັ້ນການປະຕິບັດສິດອຳນາດອື່ນ”.
 ທ່ານລັດຖະມົນຕີກະຊວງປ້ອງກັນປະເທດ ສ.ເກົາຫຼີ Kim Yong-hyun ເຂົ້າຮ່ວມກອງປະຊຸມ ຢູ່ ເຊີອູນ ໃນວັນທີ 15 ຕຸລາ 2024 (ພາບ: YONHAP/TTXVN) |
ຕອນເຊົ້າວັນທີ 11 ທັນວາ, ອົງການເຈົ້າໜ້າທີ່ ສ.ເກົາຫຼີ ຈັບຕົວທ່ານອະດີດລັດຖະມົນຕີກະຊວງປ້ອງກັນປະເທດ Kim Yong Hyun ດ້ວຍຄຳກ່າວຫາວ່າ ກໍ່ການຈະລາຈົນ ກ່ຽວຂ້ອງເຖິງເລື່ອງທ່ານປະທານາທິບໍດີ Yeol ປະກາດກົດໄອຍະການເສິກໃນໄລຍະເວລາອັນສັ້ນ, ກໍ່ຄວາມວຸ້ນວາຍໃນທົ່ວປະເທດ.
ພາຍຫຼັງຖືກກັກຂັງຊົ່ວຄາວ ແຕ່ວັນທີ 8 ທັນວາ, ທ່ານ Kim Yong Hyun ຖືກຈັບຕົວຢ່າງເປັນທາງການ ດ້ວຍຄຳກ່າວຫາວ່າ “ເຂົ້າຮ່ວມບັນດາໜ້າທີ່ສຳຄັນໃນການຈະລາຈົນ” ແລະ “ສວຍໃຊ້ສິດອຳນາດກີດກັ້ນການປະຕິບັດສິດອຳນາດອື່ນ”. ທ່ານໂຄສົກສານສູນກາງ ເຊີອູນ ໃຫ້ຮູ້ວ່າ: ການກະທຳຈັບຕົວໄດ້ຮັບການປະຕິບັດ ຍ້ອນເປັນຫ່ວງກ່ຽວກັບຄວາມອາດສາມາດລົບລ້າງຫຼັກຖານ.
ກໍໃນຮຸ່ງເຊົ້າຂອງວັນດຽວກັນ, ເຈົ້າໜ້າທີ່ຕຳຫຼວດຂັ້ນສູງສອງທ່ານກໍຖືກຈັບຕົວໃນສະພາບການດຳເນີນການສືບສວນກ່ຽວກັບສະພາວະຈະລາຈົນການເມືອງພວມຮ້າຍແຮງຂຶ້ນ ພາຍຫຼັງຖືກຜົນກະທົບບໍ່ດີຈາກການປະກາດກົດໄອຍະການເສິກຂອງທ່ານປະທານາທິບໍດີ ສ.ເກົາຫຼີ.