ຫວຽດນາມ ຍົກອອກຂໍ້ສະເໜີຊຸກຍູ້ການຮ່ວມມືດ້ານເສດຖະກິດ - ການຄ້າກັບ ຈີນ
(VOVWORLD) - ວັນທີ 29 ກັນຍາ, ຢູ່ປັກກິ່ງ, ຈີນ, ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ຫງວຽນຮົ່ງຢຽນ ແລະ ທ່ານລັດຖະມົນຕີກະຊວງການຄ້າ ຈີນ ຫວາງເຫວິນທາວ ເປັນປະທານຮ່ວມກອງປະຊຸມຄັ້ງທີ 13 ຄະນະກຳມະການຮ່ວມມືເສດຖະກິດ, ການຄ້າ ຫວຽດນາມ - ຈີນ.
 ທ່ານລັດຖະມົນຕີ ຫງວຽນຮົ່ງຢຽນ ກ່າວຄຳເຫັນ (ພາບ: VOV) |
ໃນກອງປະຊຸມ, ທ່ານລັດຖະມົນຕີ ຫງວຽນຮົ່ງຢຽນ ຢັ້ງຢືນວ່າ ສອງຝ່າຍຕ້ອງເພີ່ມທະວີການຮ່ວມມືລົງທຶນ ແລະ ລະບົບສະໜອງ, ໃຫ້ບຸລິມະສິດຮ່ວມມືໃນຂົງເຂດເສດຖະກິດດີຈີຕອນ, ການພັດທະນາສີຂຽວ ເພາະວ່ານີ້ແມ່ນທ່າອ່ຽງລວມ ແລະ ແມ່ນໜຶ່ງໃນບັນດາກຳລັງໜູນພັດທະນາໃນອະນາຄົດ. ທ່ານລັດຖະມົນຕີກໍໄດ້ຍົກອອກ 6 ຂໍ້ສະເໜີແນະ, ໃນນັ້ນ ມີການຮັບປະກັນລະບົບສະໜອງໃຫ້ລຸລ່ວງ, ສ້າງພື້ນຖານໂຄງລ່າງດ່ານຊາຍແດນໃຫ້ສຳເລັດ, ຊຸກຍູ້ການເປີດປະຕູຕະຫຼາດຜະລິດຕະພັນກະເສດ, ຊຸກຍູ້ການສ້າງຕັ້ງຫ້ອງການສົ່ງເສີມການຄ້າ ຫວຽດນາມ ຢູ່ ຈີນ.
ສ່ວນທ່ານລັດຖະມົນຕີກະຊວງການຄ້າ ຈີນ, ຫວາງເຫວິນທາວ ສະເໜີໃຫ້ສອງຝ່າຍເອົາໃຈໃສ່ຜັນຂະຫຍາຍບັນດາຂໍ້ຕົກລົເອກະສານຮ່ວມມືລົງທຶນ ແລະ ຂໍ້ລິເລີ່ມເສດຖະກິດດີຈີຕອນ - ການພັດທະນາສີຂຽວ; ຮ່ວມມືເຂດອຸດສາຫະກຳ; ສືບຕໍ່ເຈລະຈາ ແລະ ລົງນາມໃນບົດບັນທຶກ MOU ກ່ຽວກັບການເພີ່ມທະວີການຮ່ວມມືດ້ານເສດຖະກິດໃນລະບົບຜະລິດ ແລະ ການສະໜອງ. ທ່ານ ຫວາງເຫວິນທາວ ກໍສະເໜີບັນດາມາດຕະການຊຸກຍູ້ການຮ່ວມມືດ້ານການຄ້າ, ໃນນັ້ນ ມີການເຈລະຈາ ແລະ ລົງນາມໃນເອກະສານຮ່ວມມືດ້ານການຄ້າຜະລິດຕະພັນກະເສດ; ເພີ່ມທະວີການແລກປ່ຽນກ່ຽວກັບມາດຕະຖານ, ຕີລາຄາຄວາມເໝາະສົມຂອງຜະລິດຕະພັນນຳເຂົ້າ - ສົ່ງອອກ…
ນັກຂ່າວ VOV - ປະຈຳ ຈີນ