(vovworld) - ສະພາການຄ້າ ອົດສະຕາລີ - ຫວຽດນາມ ຫາກໍ່ຈັດຕັ້ງການພົບປະສັງສັນ “ສະເຫຼີມສະຫຼອງ 40 ປີແຫ່ງການພົວພັນທາງການທູດ ອົດສະຕາລີ - ຫວຽດນາມ ແລະ ກາລະໂອກາດ” ເພື່ອແນໃສ່ຊຸກຍູ້ການຮ່ວມມືດ້ານການຄ້າລະຫວ່າງ 2 ປະເທດ ກ່ວາອີກ. ກ່າວຄຳເຫັນນະພິທີ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ອົດສະຕາລີ ຮ່ວາງວີ້ງແທ໋ງ, ຢືນຢັນວ່າດ້ວຍການຮ່ວມມືທີ່ນັບມື້ນັບແໜ້ນແຟ້ນ, ຫວຽດນາມ ແລະ ອົດສະຕາລີ ຈະສືບຕໍ່ໄດ້ຮັບຜົນສຳເລັດຫຼາຍຢ່າງ. ການພົວພັນການຄ້າ 2 ຝ່າຍຈະພັດທະນາຢ່າງບໍ່ຢຸດຢັ້ງ ແລະ ສະພາການຄ້າ ອົດສະຕາລີ - ຫວຽດນາມ ຈະສືບຕໍ່ແມ່ນໜຶ່ງໃນບັນດາຂົວເຊື່ອມຕໍ່ທີ່ສຳຄັນ. ທີ່ການພົບປະສັງສັນ, ອະດີດເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ Allaster Cox ຢືນຢັນວ່າ: ຫວຽດນາມແມ່ນຄູ່ຮ່ວມມືສຳຄັນຂອງອົດສະຕາລີ, ທ່ານເນັ້ນໜັກວ່າ ອົດສະຕາລີ ແລະ ຫວຽດນາມ ຄວນເພີ່ມທະວີການພົວພັນຄູ່ຮ່ວມມືໃນທຸກໆຂົງເຂດເສດຖະກິດ. ເນື່ອງໃນໂອກາດນີ້, ຜູ້ຕາງໜ້າຂອງວິສາຫະກິດຫຼາຍແຫ່ງຢູ່ ອົດສະຕາລີ ໄດ້ສະແດງຄວາມພາກພູມໃຈເມື່ອລົງທຶນ, ຮ່ວມມືດຳເນີນທຸລະກິດຢູ່ ຫວຽດນາມ. ນັກການຄ້າຫຼາຍທ່ານຫວັງວ່າ: ການຄ້າ 2 ສົ້ນລະຫວ່າງ ອົດສະຕາລີ - ຫວຽດນາມ ຈະສືບຕໍ່ໄດ້ຮັບການຍູ້ແຮງໃນໄລຍະຈະມາເຖິງ.