(vovworld) - ທະນາຄານພັດທະນາອາຊີ (ADB) ແລະ ລັດຖະບານຫວຽດນາມ ຫາກໍ່ລົງນາມໃນສັນຍາກູ້ຢືມທຶນສອງສະບັບ ດ້ວຍຍອດມູນຄ່າກວ່າ 230 ລ້ານ USD ເພື່ອແນໃສ່ໜູນຊ່ວຍບັນດາການປະຕິຮູບຊ່ວຍເພີ່ມທະວີກຳລັງຄວາມສາມາດແກ້ງແຍ້ງຂອງຫວຽດນາມ ແລະ ພັດທະນາລະບົບຄົມມະນາຄົມຕົວເມືອງໃຫ້ໝັ້ນຄົງຢູ່ນະຄອນຫຼວງຮ່າໂນ້ຍ. ທ່ານ Tomoyuki Kimura, ຜູ້ອຳນວຍການແຫ່ງຊາດ ທະນາຄານພັດທະນາອາຊີ ຢູ່ຫວຽດນາມ ໃຫ້ຮູ້ວ່າ: ສຳລັບຫວຽດນາມ, ກຳລັງຄວາມສາມາດແກ້ງແຍ້ງໄດ້ຮັບການເພີ່ມທະວີແມ່ນປັດໃຈສຳຄັນເພື່ອໝູນໃຊ້ບັນດາຜົນປະໂຫຍດຂອງການຟື້ນຟູເສດຖະກິດທົ່ວໂລກ ແລະ ວິວັດການເຊື່ອມໂຍງຂອງຫວຽດນາມເຂົ້າກັບພື້ນຖານເສດຖະກິດໂລກ. ບັນດາສັນຍາກູ້ຢືມທຶນທີ່ໄດ້ຮັບການລົງນາມລວມມີ: ບ້ວງກູ້ຢືມນະໂຍບາຍທີ່ມີມູນຄ່າ 230 ລ້ານ USD ໃຫ້ໂຄງການຍົກສູງກຳລັງຄວາມສາມາດແກ້ງແຍ້ງ ຈະໜູນຊ່ວຍໃຫ້ໂຄງການສິນເຊື່ອແກ້ງແຍ້ງຄຸ້ມຄອງເສດຖະກິດ. ນີ້ແມ່ນໂຄງການໜູນຊ່ວຍງົບປະມານລວມຂອງຄູ່ຮ່ວມມືພັດທະນາ, ໂດຍອີງໃສ່ບັນດາບູລິມະສິດປ່ຽນໃໝ່ປະເທດຊາດຂອງລັດຖະບານ. ໂຄງການຈະໜູນຊ່ວຍບັນດາການປ່ຽນໃໝ່ຂອງລັດຖະບານໃນ 6 ຂົງເຂດນະໂຍບາຍ, ລວມມີ: ຂົງເຂດການເງິນ, ນະໂຍບາຍຄັງເງິນ, ຄວາມຮັບຜິດຊອບ ແລະ ການຄຸ້ມຄອງພາກສ່ວນສາທາລະນະ, ຄຸ້ມຄອງລັດວິສາຫະກິດ, ຄຸ້ມຄອງການລົງທຶນສາທາລະນະ ແລະ ສະພາບແວດລ້ອມແຫ່ງການດຳເນີນທຸລະກິດ. ບ້ວງກູ້ຢືມໜຶ່ງອີກທີ່ມີມູນຄ່າ 4.2 ລ້ານUSD (ໃນຍອດມູນຄ່າລົງທຶນເກືອບ 59 ລ້ານ USD) ແມ່ນໃຫ້ໂຄງການເພີ່ມທະວີການຄົມມະນາຄົມຕົວເມືອງຢ່າງໝັ້ນຄົງສຳລັບເສັ້ນ ທາງລົດໄຟຕົວເມືອງເລກ 3 ຂອງຮ່າໂນ້ຍ. ໂຄງການໜູນຊ່ວຍໃຫ້ບັນດາຄາດໝາຍໃນແຜນກຳນົດຄົມມະນາຄົມຕົວເມືອງຂອງນະຄອນຫຼວງຮ່າໂນ້ຍ ແນໃສ່ເພີ່ມທະວີການນຳໃຊ້ບັນດາພາຫະນະຄົມມະນາຄົມສາທາລະນະ, ຫຼຸດຜ່ອນການນຳໃຊ້ບັນດາພາຫະນະສ່ວນຕົວ ກໍ່ຄືຊຸກຍູ້ການນຳໃຊ້ບັນດາພາຫະນະທີ່ບໍ່ສົ່ງມົນລະພິດເຖິງສິ່ງແວດລ້ອມ, ຫຼຸດຜ່ອນມົນລະຜິດເຮືອນແກ້ວ…