ຫວຽດນາມ ແລະ ເບລາຣຸດຈະຊຸກຍູ້ບັນດາຮູບແບບການຮ່ວມມືໃໝ່
(VOVWORLD) - ໃນຂອບເຂດການຢ້ຽມຢາມ
ເບລາຣຸດ, ທ່ານເວືອງດິ່ງເຫ້ວໄດ້ໄປຢ້ຽມຢາມບໍລິສັດເຕັກໂນໂລຢີສູງ ADANI, ໂຮງງານຜະລິດລົດໂອໂຕ, ລົດບັນທຸກ MAZ - ບັນດາວິສາຫະກິດແຖວໜ້າຂອງ
ເບລາຣຸດ ທີ່ພວມມີການຮ່ວມມືກັບ ຫວຽດນາມ
 ການເຈລະຈາລະຫວ່າງ , ທ່ານຮອງນາຍົກລັດຖະມົນຕີ ຫວຽດນາມ ເວືອງດິ່ງເຫ້ວ ແລະ ທ່ານ Igor Lyashenko ຮອງນາຍົກລັດຖະມົນຕີ ເບລາຣຸດ (ພາບ: VGP) |
ໃນຂອບເຂດການຢ້ຽມຢາມ ເບລາຣຸດ ຢ່າງເປັນທາງການຂອງ ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ, ວັນທີ 13 ທັນວາ, ທ່ານຮອງນາຍົກລັດຖະມົນຕີ ຫວຽດນາມ ເວືອງດິ່ງເຫ້ວ ໄດ້ມີການ ເຈລະຈາກັບທ່ານ Igor Lyashenko ຮອງນາຍົກລັດຖະມົນຕີ ເບລາຣຸດ ເພື່ອແນໃສ່ແລກປ່ຽນບັນດາມາດຕະການເພີ່ມທະວີການຮ່ວມມືດ້ານເສດຖະກິດ, ການຄ້າ ແລະ ການລົງທຶນກ່ວາອີກ, ປະກອບສ່ວນປັບປຸງການພົວພັນມິດຕະພາບທີ່ເປັນມູນເຊື້ອ ແລະການຮ່ວມມືໃນຫຼາຍດ້ານລະຫວ່າງ ຫວຽດນາມ ແລະ ເບລາຣຸດ.
ການນຳສອງທ່ານໄດ້ຖືວ່າ ຕ້ອງຊຸກຍູ້ບັນດາຮູບແບບການຮ່ວມມືໃໝ່, ລວມມີການສ້າງເງື່ອນໄຂເພື່ອໃຫ້ບັນດາວິສາຫະກິດສອງປະເທດຮ່ວມດຳເນີນທຸລະກິດຜະລິດສິນຄ້າປະເພດຕ່າງໆທີ່ເປັນທ່າແຮງຂອງກັນເພື່ອຕອບສະໜອງຄວາມຮຽກຮ້ອງຕ້ອງການຂອງຕະຫຼາດພາຍໃນປະເທດຂອງ ຫວຽດນາມ ແລະ ເບລາຣຸດ, ມຸ່ງໄປເຖິງການສົ່ງອອກໄປຍັງຕະຫຼາດ ອາຊຽນ ແລະ ສະຫະພັນ ເສດຖະກິດ ອາຊີ - ເອີລົບ.