ພິທີເຊັນບົດບັນທຶຊ່ວນຈຳວ່າດ້ວຍການຮ່ວມມືກ່ຽວກັບການຍົກຍ້າຍນັກຊ່ຽວຊານ, ແຮງງານທີ່ມີສີມືດີ, ແຮງງານຕາມໄລຍະ ຂອງ ຫວຽດນາມ ໄປເຮັດວຽກຢູ່ ແຟນລັງ (ພາບ: TTXVN)

ຕອນເຊົ້າວັນທີ 13 ມັງກອນ, ຢູ່ຮ່າໂນ້ຍ, ຫວຽດນາມ ແລະ ແຟນລັງ ໄດ້ເຊັນບົດບັນທຶຊ່ວນຈຳວ່າດ້ວຍການຮ່ວມມືກ່ຽວກັບການຍົກຍ້າຍນັກຊ່ຽວຊານ, ແຮງງານທີ່ມີສີມືດີ, ແຮງງານຕາມໄລຍະ ຂອງ ຫວຽດນາມ ໄປເຮັດວຽກຢູ່ ແຟນລັງ. ການເຄື່ອນໄຫວນີ້ນອນໃນຂອບເຂດການຢ້ຽມຢາມ, ເຮັດວຽກຢູ່ ຫວຽດນາມຂອງທ່ານ Arto Olavi Satonen, ລັດຖະມົນຕີ ກະຊວງເສດຖະກິດ ແລະ ວຽກເຮັດງານທຳຂອງ ແຟນລັງ ແຕ່ວັນທີ 13 – 15 ມັງກອນ.

ບົດບັນທຶກຊ່ວຍຈຳສ້າງການພົວພັນຄູ່ຮ່ວມມືກ່ຽວກັບການຍົກຍ້າຍແຮງງານລະຫວ່າງສອງຝ່າຍ, ບົນພື້ນຖານເຄົາລົບບັນດາຫຼັກການ ແລະ ມາດຖານສາກົນ. ບົດບັນທຶກຊ່ວຍຈຳມີໄລຍະ 5 ປີ (2025 - 2030). ທ່ານ ດ່າວງອກຢຸງ ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ໃຫ້ຮູ້ວ່າ:

ນັບແຕ່ທ້າຍປີ 2023 ມາຮອດປັດຈຸບັນ, ກະຊວງແຮງງານ - ທະຫານເສຍອົງຄະ ແລະ ສັງຄົມ ໄດ້ຕົກລົງຈົດທະບຽນຂອງວິສາຫະກິດ 3 ແຫ່ງທີ່ເຄື່ອນໄຫວການບໍລິການ ຫວຽດນາມ ທີ່ມີສັນຍາສະໜອງແຮງງານ 134 ຄົນ (ໃນນັ້ນມີຍິງ 65 ຄົນ) ໄປເຮັດວຽກຢູ່ ແຟນລັງ. ມາຮອດປັດຈຸບັນ, ມີແຮງງານ 55 ຄົນໄປເຮັດວຽກຢູ່ແຟນລັງ, ດ້ວຍລາຍຮັບເປັນປົກກະຕິແຕ່ 1.500 ຫາ 2000 EUR/ເດືອນ, ເງື່ອນໄຂການເຮັດວຽກ ແລະ ສະຫວັດດີການສັງຄົມດີພໍສົມຄວນ.