ຫວຽດນາມ-ຍີ່ປຸ່ນເປີດ ກ້ວາງການຮ່ວມມືໃນ ຂົງເຂດເຮືອນຢູ່ແລະ ພັດທະນາ ຕົວເມືອງ
(ພາບ: kinhlacthao.vn )
(vovworld)- ທີ່ກອງປະຊຸມເສດຖະກິດຮ່ວມມືລົງທຶນຫວຽດນາມ-ຍີ່ປຸ່ນ 2013 ໄດ້ຈັດຂຶ້ນໃນວັນທີ 23/9 ຢູ່ຮ່າໂນ້ຍ, ບັນດາຜູ້ແທນຖືວ່າ: ໃນ 40 ປີຜ່ານມາ, ຍີ່ປຸ່ນ ແມ່ນນັກອຸປະຖຳສຳຄັນ ຊື່ງໄດ້ໜູນຊ່ວຍຫວຽດນາມ ຫຼາຍໂຄງການທີ່ນຳມາເຊິ່ງປະສິດທິຜົນຢ່າງແທດຈິງ, ປະກອບສ່ວນຢ່າງຕັ້ງໜ້າໃຫ້ແກ່ການພັດທະນາເສດຖະກິດສັງຄົມຂອງຫວຽດນາມ. ການພົວພັນຮ່ວມມືລະຫວ່າງສອງປະເທດ ຍັງມີຄວາມສາມາດບົ່ມຊ້ອນຫຼາຍຢ່າງ, ໃນນັ້ນມີການເປີດກ້ວາງການຮ່ວມມືໃນຂົງເຂດເຮືອນຢູ່ ແລະ ພັດທະນາຕົວເມືອງ. ທີ່ກອງປະຊຸມ, ບັນດາທ້ອງຖິ່ນຄື: ກວາງນິງ, ຮ່າໂນ້ຍ, ວິ້ງຟຸກ, ຕວຽນກວາງ, ກວາງຫງ້າຍ, ດົ່ງທາບ, ນະຄອນໂຮ່ຈິມິນ….ໄດ້ພົບປະໂດຍກົງກັບບັນດານັກລົງທຶນຍີ່ປຸ່ນ ແລະ ແນະນຳບັນດາເຂດອຸດສາຫະກຳ, ບັນດາຂົງເຂດພວມສຸມໃສ່ພັດທະນາຂອງທ້ອງຖິ່ນເພື່ອສົ່ງເສີມການລົງທຶນ. ທ່ານຟຸ່ງກວາງຮຸ່ງ, ປະທານຄະນະກຳມະການ ປຊຊ ແຂວງວິ້ງຟຸກ ເນັ້ນໜັກວ່າ: ວິ້ງຟຸກ ພວມໄດ້ຮັບເງື່ອນໄຂອຳນວຍຄວາມສະດວກດີທີ່ສຸດເພື່ອດຶງດູດ ບັນດານັກລົງທຶນຍີ່ປຸ່ນ, ໃນນັ້ນ, ຍາມໃດ, ການວາງແຜນກຳນົດກໍ່ໄດ້ຮັບຄວາມເອົາໃຈໃສ່ອັນດັບໜຶ່ງ:
“ໃນຊຸມປີຜ່ານມາ, ພວກຂ້າພະເຈົ້າໄດ້ວາງແຜນກຳນົດເຂດວິ້ງຟຸກ ສຳເລັດແລ້ວ ແລະ ທ່ານນາຍົກລັດຖະມົນຕີໄດ້ວາງແຜນກຳນົດເຂດຕົວເມືອງລວມວິ້ງຟຸກ, ພວກຂ້າພະເຈົ້າໄດ້ແບ່ງເປັນ 15 ເຂດ ແລະ ສູ້ຊົນຮອດປີ 2014 ຈະວາງແຜນແບ່ງເຂດຂອງແຂວງສຳເລັດ. ຈາກນັ້ນຈະຮັບບັນດານັກລົງທຶນໃນບັນດາຂົງເຂດການບໍລິການ, ກະສິກຳ, ອຸດສາຫະກຳ…. ຂົງເຂດທີ່ພວກຂ້າພະເຈົ້າພວກມລໍຖ້າບັນດານັກລົງທຶນຍີ່ປຸ່ນແມ່ນ: ການບໍລິການພັກຜ່ອນບຳລຸງສຸຂະພາບ, ການບໍລິການການແພດ, ການສຶກສາ…“.