(ໂຄສົກກະຊວງການຕ່າງປະເທດ ຫວຽດນາມ ເລຫາຍບິ່ງ)
(vovworld) – ວັນທີ 6/10/2015, ເມື່ອຕອບສຳພາດຕໍ່ນັກຂ່າວສະເໜີ ໃຫ້ຮູ້ວ່າ: ປະຕິກິລິຍາຂອງ ຫວຽດນາມ ຕໍ່ການສິ້ນສຸດວິວັດທະນາການເຈລະຈາສັນຍາຄູ່ຮ່ວມມືຂ້າມ ປາຊີຟິກ (TPP), ໂຄສົກກະຊວງການຕ່າງປະເທດ ຫວຽດນາມ ເລຫາຍບິ່ງ ໃຫ້ຮູ້ວ່າ:
“ ຫວຽດນາມ ຊົມເຊີຍ ແລະ ຕີລາຄາສູງຄວາມຕັດສິນ, ມານະພະຍາຍາມຢ່າງກະໂດດຂັ້ນ, ກໍຄືຄວາມໄຫວພິບ, ມີຫົວຄິດປະດີດສ້າງຂອງບັນດາປະເທດສະມາຊິກໃນການສຳເລັດສັນຍາຄູ່ຮ່ວມມືຂ້າມປາຊີຟິກ (TPP) ຢ່າງດຸ່ນດ່ຽງ, ຮອບດ້ານ, ມີມາດຖານສູງໃນວັນທີ 5/10/2015 ຢູ່ນະຄອນ Atlanta, ອາເມລິກາ. ພ້ອມກັບບັນດາກົນໄກຮ່ວມມື, ຮ່ວມສຳພັນພວມມີໃນປະຈຸບັນ ຄື: ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP), ສັນຍາຄູ່ຮ່ວມມືການຄ້າ ແລະ ການລົງທຶນຂ້າມ ປາຊີຟິກ (TTIP), ເລື່ອງສຳເລັດສັນຍາ TPP ແມ່ນຂີດໝາຍສຳຄັນ, ປະກອບສ່ວນຊຸກຍູ້ທ່າອ່ຽງຮ່ວມສຳພັນຫລາຍຂັ້ນ ກໍຄືຮັກສາສະພາບແວດລ້ອມສັນຕິພາບ, ສະຖຽນລະພາບ ແລະ ການພັດທະນາຂະຫຍັນຂັນເຄື່ອນຂອງ ອາຊີ - ປາຊີຟິກ.
TPP ຈະຊ່ວຍ ຫວຽດນາມ ເປີດກ້ວາງຄວາມສາມາດບົ່ມຊ້ອນການຮ່ວມມື ແລະ ເຮັດໃຫ້ການພົວພັນລະຫວ່າງ ຫວຽດນາມ ກັບບັນດາຄູ່ຮ່ວມມືແຖວໜ້າໃນໂລກ ແລະ ໃນພາກພື້ນຢ່າງເລິກເຊິ່ງ, ພ້ອມທັງ ປະກອບສ່ວນຫັນຕະຫລາດເປັນຫລາຍຮູບຫລາຍແບບ. ໃນວິວັດການກະກຽມໃຫ້ການລົງນາມ ແລະ ສັດຕະຍາບັນສັນຍາ, ຫວຽດນາມ ຈະສືບຕໍ່ຍູ້ໄວວິວັດການກະກຽມຢູ່ພາຍໃນປະເທດ, ເພີ່ມທະວີໂຄສະນາເຜີຍແຜ່ຄວາມຮູ້ ແລະ ຍົກສູງຄວາມສາມາດໃຫ້ບັນດາທ້ອງຖິ່ນ, ວິສາຫະກິດ ເພື່ອປະຕິບັດຄຳໝັ້ນສັນຍາຢ່າງເຂັ້ມງວດ ກໍຄືນຳໃຊ້ຜົນປະໂຫຍດຂອງ TPP ຢ່າງມີປະສິດທິຜົນ”.