ທ່ານນາງຮອງປະທານປະເທດຫງວຽນທິຢວານ
ຖ່າຍຮູບກັບບັນດານັກສຶກສາໄດ້ຮັບຄະແນນສູງສຸດໃນການເສັງຈົບມະຫາວິທະຍາໄລ
photo:cpv.org.vn
|
(vovworld)- ຕອນເຊົ້າວັນທີ 24/8, ຢູ່ທຳນຽບປະທານປະເທດ, ທ່ານນາງຮອງປະທານປະເທດຫງວຽນທິຢວານໄດ້ຕ້ອນຮັບບັນດານັກສຶກສາໄດ້ຮັບຄະແນນສູງສຸດໃນການເສັງຈົບມະຫາວິທະຍາໄລຢູ່ບັນດາມະຫາວິທະຍາໄລ, ວິທະຍາຄານໃນບໍລິເວນນະຄອນ ຮ່າໂນ້ຍ ປີ 2014. ທີ່ການຕ້ອນຮັບ, ທ່ານນາງຮອງປະທານປະເທດ ຫງວຽນທິຢວານ ເນັ້ນຫນັກວ່າ: ດ້ວຍທິດນຳຖືການສຶກສາເປັນລັດຖະນະໂຍບາຍຕົ້ນຕໍ, ໃນຊຸມປີຜ່ານມາ, ພັກ, ລັດ, ສະພາແຫ່ງຊາດ, ລັດຖະບານ ຍາມໃດມີຄວາມເອົາໃຈໃສ່ເປັນພິເສດເຖິງລຸ້ນຊາວຫນຸ່ມ, ນັກຮຽນ, ນັກສຶກສາ ດ້ວຍບັນດາແຜນນະໂຍບາຍ, ນະໂຍບາຍລະອຽດ, ແທດຈິງ; ສ້າງເງື່ອນໄຂເພື່ອໃຫ້ຊາວຫນຸ່ມເສີມຂະຫຍາຍກຳລັງຄວາມສາມາດ, ພູມປັນຍາ, ບືນຕົວຂຶ້ນ, ຢືນຢັນທີ່ຕັ້ງຂອງຕົນໃນສັງຄົມ. ທ່ານນາງຮອງປະທານປະເທດ ຕັກເຕືອນພວກນ້ອງວ່າ: ຄວນພະຍາຍາມຮຳ່ຮຽນ, ຝືກຝົນຫລໍ່ຫລອມເພື່ອກາຍເປັນພົນລະເມືອງຫວຽດນາມ ດີເດັ່ນ, ມີຄວາມຮັບຜິດຊອບຕໍ່ຕົນເອງ, ຕໍ່ຄອບຄົວ, ໂຮງຮຽນ ແລະ ສັງຄົມ.