ຫວຽດນາມປາດຖະໜາຢາກສືບຕໍ່ໄດ້ຮັບການໜູນຊ່ວຍຈາກອົງການຄ້ຳປະກັນການລົງທຶນນາໆຊາດ
ທ່ານຮອງນາຍົກລັດຖະມົນຕີ ເວືອງດິງເຫ້ວ ຕ້ອນຮັບທ່ານນາງ Karin Finkelston
(ພາບ: TTXVN)
(vovworld) - ຫວຽດນາມ ປາດຖະໜາຢາກສືບຕໍ່ໄດ້ຮັບການໜູນຊ່ວຍຈາກອົງການຄ້ຳປະກັນການລົງທຶນນາໆຊາດ. ນີ້ແມ່ນຄຳເຫັນຂອງທ່ານຮອງນາຍົກລັດຖະມົນຕີ ເວືອງດິງເຫ້ວ, ທີ່ການຕ້ອນຮັບທ່ານນາງ Karin Finkelston, ຮອງປະທານການທະນາຄານໂລກ, ທັງເປັນຜູ້ອຳນວຍການຝ່າຍບໍລິຫານອົງການຄ້ຳປະກັນການລົງທຶນນາໆຊາດ, ໃນວັນທີ 27/04. ທ່ານຮອງນາຍົກລັດຖະມົນຕີ ເວືອງດິງເຫ້ວ ໄດ້ຕີລາຄາສູງການຮ່ວມມືຂອງທະນາຄານໂລກ ເວົ້າລວມ ແລະ ອົງການຄ້ຳປະກັນການລົງທຶນນາໆຊາດ ເວົ້າສະເພາະ ໃນການສ້າງເງື່ອນໄຂໃຫ້ບັນດານັກລົງທຶນຕ່າງປະເທດທີ່ລົງທຶນເຂົ້າຫວຽດນາມ ຜ່ານບັນດາຮູບການຄ້ຳປະກັນການລົງທຶນ. ຫວຽດນາມ ປາດຖະໜາຢາກສືບຕໍ່ໄດ້ຮັບບັນດາການໜູນຊ່ວຍຂອງອົງການຄ້ຳປະກັນການລົງທຶນນາໆຊາດ ໃຫ້ບັນດາໂຄງການລົງທຶນເຂົ້າຫວຽດນາມ. ພ້ອມກັນນັ້ນ, ລັດຖະບານຫວຽດນາມ ໄດ້ຕີລາຄາສູງເລື່ອງອົງການຄ້ຳປະກັນການລົງທຶນນາໆຊາດ ຈຳໜ່າຍບັດປະກັນໄພໃຫ້ບັນດາໂຄງການລົງທຶນເປີດກວ້າງການເຄື່ອນໄຫວຜະລິດ ແລະ ດຳເນີນທຸລະກິດຂອງພາກເອກະຊົນ. ສິ່ງນີ້ແມ່ນເໝາະສົມກັບແຜນນະໂຍບາຍພັດທະນາເສດຖະກິດພາກເອກະຊົນຂອງຫວຽດນາມ. ທ່ານຮອງນາຍົກລັດຖະມົນຕີ ເວືອງດິງເຫ້ວ ປາດຖະໜາວ່າ, ໃນໄລຍະຈະມາເຖິງອົງການຄ້ຳປະກັນການລົງທຶນນາໆຊາດ ຈະໜູນຊ່ວຍລົງທຶນໃຫ້ຫວຽດນາມ ໃນຂົງເຂດພື້ນຖານໂຄງລ່າງ, ພະລັງງານ…