ຫວຽດນາມຫວັງເພີ່ມທະວີການຮ່ວມມືກັບສະຫະພາບເອີລົບ ໃນທຸກໆຂົງເຂດ
ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງທີ່ການ
ຕ້ອນຮັບ ທ່ານຮອງປະທານຄະນະກຳມະການ ເອີລົບ Antonio Tajani
|
(vovworld) – ຫວຽດນາມຫວັງເພີ່ມທະວີການຮ່ວມມືກັບສະຫະພາບເອີລົບ ໃນທຸກໆຂົງເຂດ. ນັ້ນແມ່ນຄຳຢືນຢັນຂອງທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງທີ່ການຕ້ອນຮັບ ທ່ານຮອງປະທານຄະນະກຳມະການ ເອີລົບ, ຂ້າຫຼວງໃຫຍ່ຮັບຜິດຊອບດ້ານອຸດສາຫະກຳ - ການຄ້າ Antonio Tajani ຊຶ່ງພວມຢ້ຽມຢາມຫວຽດນາມໃນຕອນບ່າຍ ວັນທີ 13/11, ຢູ່ ຮ່າໂນ້ຍ.
ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ຢືນຢັນວ່າ ລັດຖະບານຫວຽດນາມຊົມເຊີຍ, ສ້າງເງື່ອນໄຂສະດວກໃຫ້ແກ່ບັນດາວິສາຫະກິດ,ນັກລົງທຶນເອີລົບຊຸກຍູ້ການຮ່ວມມືພັດທະນາດ້ານການຄ້າ, ການລົງທຶນ, ດຳເນີນທຸລະກິດຢ່ງມີປະສິດທິຜົນ ແລະ ຍາວນານຢູ່ຫວຽດນາມ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ສະເໜີຄະນະກຳມະການເອີລົບຈົ່ງຕັ້ງໜ້າຊຸກຍູ້ເພື່ອໃຫ້ສັດຕະຍາບັນສັນຍາແມ່ຄູ່ຮ່ວມມື ແລະ ການຮ່ວມມືຮອບດ້ານຫວຽດນາມ-ສະຫະພາບເອີລົບ; 2 ຝ່່າຍສືບຕໍ່ຍູ້ໄວວິວັດທະນາການເຈລະຈາ ແລະ ລົງນາມໃນສັນຍາການຄ້າເສລີຫວຽດນາມ-ສະຫະພາບເອີລົບໃນປີ 2014. ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ຍັງສະເໜີສະຫະພາບເອີລົບ ຮັບຮູ້ຂໍ້ກຳນົດເສດຖະກິດຕະຫຼາດໃຫ້ຫວຽດນາມໂດຍໄວ, ສືບຕໍ່ຊ່ວຍເຫຼືອທຶນ ODA ທີ່ມີຕໍ່ຫວຽດນາມ.
ສ່ວນທ່ານຮອງປະທານຄະນະກຳມະການ ເອີລົບ, ຂ້າຫຼວງໃຫຍ່ຮັບຜິດຊອບດ້ານອຸດສາຫະກຳ - ການຄ້າ Antonio Tajani ຢືນຢັນວ່າ ສະຫະພາບເອີລົບຫວັງເພ່ີມທະວີການຮ່ວມມືກັບຫວຽດນາມ, ພິເສດແມ່ນການຮ່ວມມືລະຫວ່າງບັນດາວິສາຫະກິດຂະໜາດກາງ ແລະ ນ້ອຍໃນຫຼາຍຂົງເຂດຄື ປຸ່ງແຕ່ງຜະລິດຕະພັນກະເສດ, ການທ່ອງທ່ຽວ, ທາດເຄມີ....
ແລະ ກໍໃນວັນທີ 13/11, ຢູ່ ຮ່າໂນ້ຍ, ລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຮ່ວາງຕ໋ວນແອງ ແລະ ທ່ານຮອງປະທານຄະນະກຳມະການ ເອີລົບ, ຂ້າຫຼວງໃຫຍ່ຮັບຜິດຊອບດ້ານອຸດສາຫະກຳ - ການຄ້າ Antonio Tajani ເຊັນໂຄງການຮ່ວມມືລະຫວ່າງລັດຖະບານ ຫວຽດນາມ ແລະ ສະຫະພາບ ເອີລົບ ໃນຂົງເຂດທ່ອງທ່ຽວແບບຍືນຍົງ. ໂຄງການຮ່ວມມືຮັບການລົງນາມໄດ້ສະແດງຄວາມມານະພະຍາຍາມຂອງ ສະຫະພາບ ເອີລົບ (ອີຢູ) ແລະ ຫວຽດນາມ ເພື່ອແນໃສ່ມຸ່ງໄປເຖິງການສ້າງຕັ້ງຂອບສົນທະນາຫາລືເປັນປະຈຳ ແລະ ແລກປ່ຽນຂໍ້ມູນຂ່າວສານລະຫວ່າງບັນດາອົງການຮັບຜິດຊອບການທ່ອງທ່ຽວກ່ຽວກັບບັນດາຂໍ້ລິເລີ່ມທີ່ກ່ຽວຂ້ອງໃນຂົງເຂດທ່ອງທ່ຽວ, ຮັບປະກັນການພັດທະນາແບບຍືນຍົງ ແລະ ມີລັກສະນະແກ່ງແຍ້ງໃນຂົງເຂດທ່ອງທ່ຽວຢູ່ ອີຢູ ແລະ ຫວຽດນາມ. 2 ຝ່າຍຕົກລົງປະຕິບັດການແລກປ່ຽນບົດຮຽນກ່ຽວກັບການພັດທະນາທ່ອງທ່ຽວແບບຍືນຍົງລະຫວ່າງອົງການຮັບຜິດຊອບທ່ອງທ່ຽວ ແລະ ບັນດາຝ່າຍກ່ຽວຂ້ອງຢູ່ ເອີລົບ ແລະ ຫວຽດນາມ, ເພື່ອແນໃສ່ພັດທະນາທັກສະການ ແລະ ຍົກສູງຄຸນນະພາບບໍລິການທ່ອງທ່ຽວ.