ຫວຽດນາມເປັນປະທານຮ່ວມຈັດຕັ້ງການໂອ້ລົມສົນທະນາສາກົນບັນຫາເດັກນ້ອຍແລະຄອບຄົວ
(ພາບປະກອບ)
(vovworld) – ວັນທີ 2/09, ຢູ່ນອກກອງປະຊຸມຄັ້ງທີ 30 ສະພາສິດທິມະນຸດສະຫະປະຊາຊາດ ຢູ່ເຊີແນວ, ປະເທດສະວິດ. ຫວຽດນາມ ໄດ້ພ້ອມກັບ ແກນເນຍ, ປອກຕຸຍການ ແລະ ອູຣຸກວາຍ ຈັດຕັ້ງການໂອ້ລົມສົນທະນາສາກົນກ່ຽວກັບ “ການລົງທຶນເຂົ້າເດັກນ້ອຍ ແລະຄອບຄົວ ເພື່ອຫຼຸດຜ່ອນສະພາບເດັກຖືກປອຍປະ ຫຼື ຖືກແຍກອອກຈາກຄອບຄົວ”. ກ່າວຄຳເຫັນທີ່ການໂອ້ລົມສົນທະນາ, ທ່ານເອກອັກຄະລັດຖະທູດຫວຽດນາມ ຫງວຽນຈຸງແທ່ງ, ຫົວໜ້າຄະນະຜູ້ແທນຫວຽດນາມ ຢູ່ຂ້າງສະຫະປະຊາຊາດ, ອົງການການຄ້າສາກົນ ແລະ ບັນດາອົງການສາກົນອື່ນຢູ່ເຊີແນວ, ໄດ້ຕີລາຄາສູງຄວາມເອົາໃຈໃສ່ແບ່ງປັນຂອງບັນດາປະເທດ, ອົງການຈັດຕັ້ງການເມືອງສັງຄົມ ເຖິງບັນຫາລວມຢູ່ຫຼາຍປະເທດ ນັ້ນແມ່ນສະພາບເດັກນ້ອຍຖືກປອຍປະ ຫຼື ຖືກແຍກອອກຈາກຄອບຄົວ ຍ້ອນສາຍເຫດດ້ານເສດຖະກິດ - ສັງຄົມທີ່ແຕກຕ່າງກັນ. ທ່ານເອກອັກຄະລັດຖະທູດ ຫວຽນຈຸງແທ່ງ ໃຫ້ຮູ້ວ່າ: ຢູ່ຫວຽດນາມ, ໄດ້ປະກາດໃຊ້ກົດໝາຍວ່າດ້ວຍການປົກປ້ອງ, ເບິ່ງແຍງດູແລ ແລະ ສຶກສາເດັກປີ 2004 ແລະ ສະຫງວນພາກທີ 4 ກຳນົດກ່ຽວກັບບັນດາມາດຕະການປົກປ້ອງ, ເບິ່ງແຍງດູແລເດັກນ້ອຍທີ່ປະສົບກັບຄວາມຫຍຸ້ງຍາກເປັນພິເສດ, ໃນນັ້ນລວມທັງເດັກກຳພ້າ ແລະ ຖືກປອຍປະ, ບໍ່ມີບ່ອນເພິ່ງພາອາໄສ. ລັດຖະບານກໍຮັບຮອງເອົາບັນດາແຜນການ 5 ປີກ່ຽວກັບການຜັນຂະຫຍາຍບັນດາໂຄງການເບິ່ງແຍງ, ດູແລເດັກກຳພ້າ, ເດັກບໍ່ມີບ່ອນເພິ່ງພາອາໄສ, ເດັກພິການ… ຢູ່ປະຊາຄົມ. ທ່ານເອກອັກຄະລັດຖະທູດ ຫງວຽນຈຸງແທ່ງ ຢືນຢັນວ່າ, ຫວຽດນາມ ຈະມານະພະຍາຍາມກວ່າອີກ ເພື່ອແນໃສ່ຮັບປະກັນໃຫ້ເດັກນ້ອຍທຸກຄົນລ້ວນແຕ່ໄດ້ຮັບການເບິ່ງແຍງດູແລ, ປົກປ້ອງ, ໄດ້ຮັບການສຶກສາ ແລະ ພ້ອມແລ້ວທີ່ຈະຮ່ວມມືກັບບັນດາປະເທດ, ອົງການຈັດຕັ້ງສາກົນໃນຂົງເຂດນີ້ຢ່າງແໜ້ນແຟ້ນ.