ຫວຽດນາມແນະນຳຜະລິດຕະພັນເຕັກໂນໂລຢີກະສິກຳທີ່ INAGRITECH ອິນໂດເນເຊຍ 2019
(VOVWORLD) - ໃນລະຫວ່າງວັນທີ 28 – 30 ສິງຫາ, ງານຕະຫຼາດນັດ ກະສິກຳ ແລະ ເຕັກໂນໂລຢີກະສິກຳສາກົນ (INAGRITECH 2019) ທີ່ດຳເນີນຢູ່ ຈາກາຕາ, ອິນໂດເນເຊຍ ໄດ້ດຶງດູດ ການເຂົ້າຮ່ວມຂອງ 500 ບໍລິສັດວາງສະແດງສິນຄ້າ ທີ່ມາຈາກ 18 ປະເທດພາຍໃນ ແລະ ນອກພາກພື້ນ ອາຊີຕາເວັນອອກສ່ຽງໃຕ້.
 ຮ້ານວາງສະແດງສິນຄ້າແຫ່ງຊາດ ຫວຽດນາມຢູ່ງານຕະຫຼາດນັດ ກະສິກຳ ແລະ ເຕັກໂນໂລຢີກະສິກຳສາກົນ (INAGRITECH 2019) |
ທີ່ງານຕະຫຼາດນັດປີນີ້, ຫ້ອງການການຄ້າ ຫວຽດນາມ ປະຈຳ ອິນໂດເນເຊຍໄດ້ຈັດຕັ້ງຮ້ານວາງສະແດງສິນຄ້າແຫ່ງຊາດ ຫວຽດນາມເພື່ອແນໃສ່ແນະນຳບັນດາຜະລິດຕະພັນກະເສດ, ສິນໃນນ້ຳ ແລະ ເຕັກໂນໂລຢີການກະສິກຳທີ່ພົ້ນເດັ່ນຂອງ ຫວຽດນາມໃຫ້ແກ່ປະຊາຊົນ, ປະຊາຄົມວິສາຫະກິດອິນໂດເນເຊຍ ແລະ ສາກົນ ກໍ່ຄືແຂກມາຢ້ຽມຊົມ. ເຂດຮ້ານຂອງຫວຽດນາມມີການເຂົ້າຮ່ວມຂອງວິສາຫະກິດ 15 ແຫ່ງເຊິ່ງໄດ້ຮັບຄວາມສົນໃຈຈາກປະຊາຄົມວິສາຫະກິດອິນໂດເນເຊຍ ກໍ່ຄືບັນດາຄູ່ຮ່ວມມື, ວິສາຫະກິດສາກົນເຂົ້າຮ່ວມງານຕະຫຼາດນັດ
ນີ້ແມ່ນບັນດາບໍລິສັດເຄື່ອນໄຫວໃນຂົງເຂດກົນຈັກ, ຜະລິດຕະພັນກະເສດຄື: ກຸ່ມບໍລິສັດ SUNHOUSE, ບໍລິສັດຫຸ້ນສ່ວນ ADPEX…ນອກຈາກນັ້ນ,ຍັງມີວິສາຫະກິດພາຍໃນປະເທດຫຼາຍແຫ່ງກໍ່ໄດ້ສົ່ງຜະລິດຕະພັນແບບຢ່າງ, ບັນດາສື່ສິ່ງພິມທາງສື່ສານເຂົ້າຮ່ວມງານຕະຫຼາດນັດ.