ຫວຽດນາມແລະໂຮນລັງຮ່ວມມືກ່ຽວກັບການຮັກສາສັນຕິພາບສະຫະປະຊາຊາດ
![ຫວຽດນາມແລະໂຮນລັງຮ່ວມມືກ່ຽວກັບການຮັກສາສັນຕິພາບສະຫະປະຊາຊາດ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2017_03_15/vn va ha lan hop tac trong lv giu gin hoa binh lhq_copy.jpg)
ທ່ານ ຫງວຽນຈີວີ້ງ, ຮອງລັດຖະມົນຕີກະຊວງປ້ອງກັນປະເທດ
ຫວຽດນາມ ແລະ ທ່ານນາງ Nienke Trooster, ເອກອັກຄະລັດຖະທູດ
ໂຮນລັງ ປະຈຳຫວຽດນາມ
ພາບ:dangcongsan.vn
|
(vovworld)- ຕອນບ່າຍວັນທີ 14/3 ຢູ່ ຮ່າໂນ້ຍ, ທ່ານ ຫງວຽນຈີວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ຕ້ອນຮັບຄະນະຜູ້ແທນ ກະຊວງປ້ອງກັນປະເທດ ໂຮນລັງ ໂດຍທ່ານນາງ Nienke Trooster, ເອກອັກຄະລັດຖະທູດ ໂຮນລັງ ປະຈຳຫວຽດນາມ ເປັນຫົວຫນ້າຄະນະ. ທ່ານຮອງລັດຖະມົນຕີ ຫງວຽນຈີວີ້ງ ໃຫ້ຮູ້ວ່າ: ການນຳກະຊວງປ້ອງກັນປະເທດ ສອງປະເທດ ຊີ້ນຳບັນດາກົມກອງທີ່ກ່ຽວຂ້ອງຍູ້ແຮງບັນດາການເຄື່ອນໄຫວມີລັກສະນະແທດຈິງ, ໃນນັ້ນ ມີການເຄື່ອນໄຫວຮັກສາສັນຕິພາບ ສປຊ, ເພີ່ມທະວີການແລກປ່ຽນຄະນະຜູ້ແທນທຸກຂັ້ນ.
ເມື່ອແຈ້ງໝາກຜົນການເຮັດວຽກຂອງຄະນະ ກັບສູນຮັກສາສັນຕິພາບ ຫວຽດນາມ, ທ່ານນາງ ເອກອັກຄະລັດຖະທູດ Nienke Trooster ໃຫ້ຮູ້ວ່າ: ສອງຝ່າຍເປັນເອກະພາບບາງເນື້ອໃນຮ່ວມມືໃນໄລຍະຈະມາເຖິງ ແລະ ປາດຖະຫນາຢາກຊຸກຍູ້ການພົວພັນລະຫວ່າງສອງປະເທດ, ໃນນັ້ນ ມີການຮ່ວມມືຮັກສາສັນຕິພາບ ສປຊ ລະຫວ່າງກອງທັບສອງປະເທດ.