ທ່ານຮອງປະທານສະພາແຫ່ງຊາດ ລາວ ໄຊສົມພອນ ພົມວິຫານ ແລະ ທ່ານ ຫງວຽນສີຢຸ້ງ, ຮອງຫົວໜ້າຫ້ອງວ່າການສະພາແຫ່ງຊາດ ຫວຽດນາມ
(vovworld) - ວັນທີ 15/7, ຢູ່ນະຄອນຫຼວງ ວຽງຈັນ, ທ່ານຮອງປະທານສະພາແຫ່ງຊາດ ລາວ ໄຊສົມພອນ ພົມວິຫານ ໄດ້ໃຫ້ການຕ້ອນຮັບຄະນະຜູ້ແທນຫ້ອງວ່າການສະພາແຫ່ງຊາດ ຫວຽດນາມ ໂດຍທ່ານ ຫງວຽນສີຢຸ້ງ, ຮອງຫົວໜ້າຫ້ອງວ່າການສະພາແຫ່ງຊາດ ຫວຽດນາມ ນຳໜ້າ ທີ່ພວມຢ້ຽມຢາມ ແລະ ເຮັດວຽກຢູ່ ລາວ ແຕ່ວັນທີ 15 – 18/7. ທ່ານຮອງປະທານສະພາແຫ່ງຊາດ ໄຊສົມພອນ ພົມວິຫານ ຕີລາຄາສູງການຮ່ວມມືຢ່າງມີປະສິດທິຜົນລະຫວ່າງ 2 ຫ້ອງວ່າການສະພາແຫ່ງຊາດໃນໄລຍະຜ່ານມາ, ຂໍຂອບອົກຂອບໃຈຫ້ອງວ່າການສະພາແຫ່ງຊາດ ຫວຽດນາມ ທີ່ໄດ້ຊ່ວຍເຫລືອ ສະພາແຫ່ງຊາດ ລາວ ກ່ຽວກັບເຕັກໂນໂລຢີ ຂໍ້ມູນຂ່າວສານຮັບໃຊ້ໃຫ້ແກ່ກອງປະຊຸມສະໄໝສາມັນຂອງສະພາແຫ່ງຊາດ ໃຫ້ບັນລຸປະສິດທິຜົນສູງ, ຕອບສະໜອງຄວາມມຸ່ງຫວັງຂອງ ປະຊາຊົນ. ທ່ານຮອງປະທານສະພາແຫ່ງຊາດ ກໍ່ໄດ້ແຈ້ງບາງເນື້ອໃນຕົ້ນຕໍ່ກ່ຽວກັບກອງປະຊຸມສະໄໝສາມັນເທື່ອທີ 5 ສະພາແຫ່ງຊາດ ລາວ ຊຸດທີ 7 ທີ່ພວມດຳເນີນຢູ່ ວຽງຈັນ ແລະ ຫວັງວ່າຫ້ອງວ່າການສະພາແຫ່ງຊາດ 2 ປະເທດຈະເພີ່ມທະວີການຮ່ວມມືໃນຫຼາຍຂົງເຂດ ຖືກຕາມການຊີ້ນຳຂອງປະທານສະພາແຫ່ງຊາດ 2 ປະເທດໄດ້ວາງອອກ, ປະກອບສ່ວນເພີ່ມພຸນຄຸນສ້າງສາຍພົວພັນສາມັກຄີມິດຕະພາບແບບພິເສດ, ການຮ່ວມມືຮອບດ້ານ ລາວ - ຫວຽດນາມ ໃຫ້ນັບມື້ນັບພັດທະນາຢ່າງໝັ້ນຄົງ.