ຫາງສຽງສາກົນຕີລາຄາ:ຈີນກໍ່ຄວາມເຄັ່ງຕຶງຢູ່ທະເລຕາເວັນອອກເພື່ອຈຸດປະສົງດ້ານການເມືອງ
(vovworld)- ນີ້ແມ່ນຄຳຖະແຫລງໂດຍທ່ານ Randy Forbes, ປະທານອະນຸກຳມະການ ຜັນຂະຫຍາຍກຳລັງທະຫານປ້ອງກັນທະເລ ສັງກັດ ກຳມາທິການກຳລັງການທະຫານ ສະພາຕຳ່ອາເມລິກາ ຍົກອອກມາໃນວັນທີ 28/5. ຄຳຖະແຫລງດັ່ງກ່າວໄດ້ກ່າວປະນາມການກະທຳເກາະຜິດຂອງຈີນ ຢູ່ ທະເລຕາເວັນອອກ, ເປັນຕົ້ນພາຍຫລັງກຳປັ່ນຫາປາຂອງຫວຽດນາມ ລຳຫນຶ່ງຖືກກຳປັ່ນຫາປາຂອງ ຈີນ ຕຳໃຫ້ຈົມນ້ຳຢູ່ ໃກ້ກັບບໍລິເວນ ທີ່ຝ່າຍຈີນຕັ້ງຮ້ານເຈາະນ້ຳມັນຢູ່ເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ.
ໃນຂະນະນັ້ນ ທີ່ກອງປະຊຸມສຳມະນາກ່ຽວກັບກົດໝາຍທະເລສາກົນ ໂດຍກະຊວງການຕ່າງປະເທດ ອີຕາລີ, ສະພາສູງອີຕາລີ ແລະ ສະຖາບັນຄົ້ນຄ້ວາສາກົນ ອີຕາລີ(CESI) ສົມທົບກັນຈັດຕັ້ງຂຶ້ນ ໃນວັນທີ 28/5, ທ່ານ Pierferdinando Casini, ປະທານກຳມາທິການການຕ່າງປະເທດ ສະພາສູງ ອີຕາລີ ຖະແຫລງວ່າ: ນະຄອນ Rome ມີຄວາມວິຕົກກັງວົນຢ່າງເລິກເຊິ່ງກ່ຽວກັບການກະທຳຂອງຈີນ ຢູ່ ທະເລຕາເວັນອອກ. ກ່າວຄຳເຫັນທີ່ກອງປະຊຸມສຳມະນາ, ທ່ານ Casini ຖືວ່າ: ບັນຫາທະເລຕາເວັນອອກ ຄວນໄດ້ຮັບການແກ້ໄຂໂດຍສັນຕິວິທີ ແລະ ການເຈລະຈາສັນຕິ, ບົນພື້ນຖານເຄົາລົບສົນທິສັນຍາ ສປຊ ກ່ຽວກັບກົດໝາຍທະເລ(UNCLOS)ປີ 1982.
ກຳປັ່ນຈີນ ບຸກໂຈມຕີ ກຳປັ່ນຫວຽດນາມ
ພາບ:thanhnien.com.vn
|
ຫວຽດນາມປະກາດເລື່ອງຈີນລ່ວງລ້ຳເຂດເສດຖະກິດຈຳເພາະຂອງຫວຽດນາມທີ່ກອງປະຊຸມລັດຖະມົນຕີຂະບວນການບໍ່ຮ່ວມກຸ່ມຄັ້ງທີ17
(vovworld)- ທ່ານ ຮ່າກີມງອກ, ຮອງລັດຖະມົນຕີກະຊວງການຕ່າງປະເທດຫວຽດນາມ, ນຳຫນ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມລັດຖະມົນຕີຂະບວນການບໍ່ຮ່ວມກຸ່ມຄັ້ງທີ 17 ດຳເນີນໄປຢູ່ ອາເຊຣີ ໃນວັນທີ 28 -29/5. ໃນວາລະປຶກສາຫາລືເມື່ອວັນທີ 28/5, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຮ່າກີມງອກ ໄດ້ປະກາດຢ່າງລະອຽດກ່ຽວກັບເລື່ອງຈີນ ຕັ້ງຮ້ານເຈາະນ້ຳມັນ ເຂົ້າເລິກກວ່າຕື່ມອີກ 80 ໄມທະເລຢູ່ເຂດເສດຖະກິດຈຳເພາະຂອງຫວຽດນາມ ພ້ອມກັບການຄຸ້ມຊູຂອງກຳປັ່ນກວ່າ 130 ລຳ, ໃນນັ້ນມີທັງກຳປັ່ນຮົບ ແລະ ເຮືອບິນ.
ທ່ານຮອງລັດຖະມົນຕີ ຮ່າກີມງອກ ຢືນຢັນວ່າ: ຫວຽດນາມ ຢືດໝັ້ນຫລັກໝັ້ນຢ່າງສະເຫມີຕົ້ນສະເຫມີປາຍໃນການແກ້ໄຂບັນດາຄວາມຂັດແຍ້ງໂດຍສັນຕິວິທີໃຫ້ເໝາະສົມກັບກົດໝາຍສາກົນ. ຫວຽດນາມ ຖືເປັນສຳຄັນການພົວພັນມິດຕະພາບອັນດີງາມກັບບັນດາປະເທດບ້ານໃກ້ເຮືອນຄຽງ,ໃນນັ້ນ ມີຈີນ. ຫວຽດນາມ ຮຽກຮ້ອງບັນດາສະມາຊິກຂະບວນການບໍ່ຮ່ວມກຸ່ມ ສະແດງຄວາມສາມັກຄີ, ເສີມຂະຫຍາຍບົດບາດ ແລະ ຄວາມຮັບຜິດຊອບຂອງຂະບວນການບໍ່ຮ່ວມກຸ່ມຕໍ່ສິ່ງທ້າທາຍສຳລັບແຕ່ລະສະມາຊິກ ແລະ ການຮັກສາສັນຕິພາບໂລກເວົ້າລວມ.
ແບ່ງປັນຄວາມເອົາໃຈໃສ່ຂອງອາຊຽນ ແລະ ຫວຽດນາມ ສຳລັບສະພາບການຢູ່ທະເລຕາເວັນອອກ, ຄະນະຜູ້ແທນອິນເດຍ, Timo Leste, Nepal, Nigeria, Jamaica, Nicaragua.. ເນັ້ນຫນັກເຖິງເລື່ອງປະຕິບັດບັນດາຫລັກການພື້ນຖານຂອງຂະບວນການບໍ່ຮ່ວມກຸ່ມ ແລະ ການພົວພັນສາກົນເວົ້າລວມ, ໃນນັ້ນ ມີຫລັກການເຄົາລົບກົດໝາຍສາກົນ, ກົດບັດ ສປຊ. ບັນດາສະມາຊິກເຫັນດີເປັນເອກະສັນ ຮັບຮອງເອົາເອກະສານຂອງກອງປະຊຸມ ໃນນັ້ນເພີ່ມເຕີມຫລາຍຂໍ້ ແລະ ກ່ຽວຂ້ອງເຖິງສະພາບການຢູ່ທະເລຕາເວັນອອກ ໂດຍ ອາຊຽນ ສະເຫນີ.