ວັນທີ 15/12 ອັງກິດ ໄດ້ກາຍເປັນປະເທດ ເອີລົບ ທຳອິດເຂົ້າຮ່ວມສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP). ນີ້ແມ່ນຂໍ້ຕົກລົງການຄ້າໃຫຍ່ທີ່ສຸດຂອງປະເທດນີ້ພາຍຫຼັງ Brexit (ອັງກິດ ຖອນຕົວອອກຈາກສະຫະພາບ ເອີລົບ). ດ້ວຍການເຂົ້າຮ່ວມ CPTPP, ອັງກິດ ໄດ້ກາຍເປັນປະເທດສະມາຊິກທີ 12 ຂອງກຸມການຄ້ານີ້. ອັງກິດ ໄດ້ເຊັນສັນຍາເຂົ້າຮ່ວມ ແຕ່ເດືອນກໍລະກົດຂອງປີກາຍນີ້. ວົງການການນຳ ອັງກິດ ມຸ່ງຫວັງວ່າການເຂົ້າຮ່ວມ CPTPP ຈະນຳເງິນເປັນຈຳນວນປະມານ 2,5 ຕື້ USD ມາໃຫ້ພື້ນຖານເສດຖະກິດຂອງປະເທດນີ້ ດ້ວຍເລື່ອງບັນດາວິສາຫະກິດ ອັງກິດ ອາດຈະເຂົ້າເຖິງຕະຫຼາດທີ່ມີປະຊາກອນກ່ວາ 500 ລ້ານຄົນ. ໂດຍໄດ້ຮັບການສ້າງຕັ້ງແຕ່ປີ 2018 ແລະ ປະກອບສ່ວນປະມານ 15 % GDP ທົ່ວໂລກ, ປັດຈຸບັນ, CPTPP ມີ 3 ປະເທດແມ່ນສະມາຊິກຂອງກຸ່ມບັນດາປະເທດອຸດສາຫະກຳພັດທະນາ (G7) ແມ່ນ ການາດາ, ຍີ່ປຸ່ນ ແລະ ອັງກິດ, ພ້ອມກັບ ອົດສະຕາລີ, ນິວຊີແລນ, ເມກຊີໂກ, ເປຣູ, ຈີເລ, ສິງກະໂປ, ບຣູໄນ, ມາເລເຊຍ ແລະ ຫວຽດນາມ.