(ພິທີອັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ12
ຂອງພັກກອມມູນິດຫວຽດນາມ)
(vovworld) – ພາຍຫລັງກເຮັດວຽກມາເປັນເວລາ 1 ອາທິດ, ຕອນເຊົ້າວັນທີ 28/01, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ ປະຊຸມວາລະອັດ, ສຳເລັດບັນດາເນື້ອໃນສຳຄັນສຸດທ້າຍ.
ທີ່ວາລະອັດ, ກອງປະຊຸມໃຫຍ່ໄດ້ຮັບຟັງບົດລາຍງານໝາກຜົນແຫ່ງການລົງຄະແນນສຽງບາງບັນຫາໃນບັນດາເອກະສານກອງປະຊຸມໃຫຍ່ຄັ້ງທີ 12 ຂອງພັກ, ລາຍງານໝາກຜົນແຫ່ງການເລືອກຕັ້ງກົມການເມືອງ, ເລຂາທິການໃຫຍ່, ຄະນະເລຂາທິການ, ຄະນະກຳມະການກວດກາສູນກາງ, ຫົວໜ້າຄະນະກຳມະການກວດກາສູນກາງຊຸດທີ 12.
ທີ່ວາລະອັດກອງປະຊຸມໃຫຍ່, ຄະນະບໍລິຫານງານສູນກາງພັກຊຸດທີ 12 ໄດ້ສະເໜີຕົວ, ກ່າວຄຳເຫັນນະທີ່ນີ້, ທ່ານ ຫງວຽນຟູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກຊຸດທີ 12 ເນັ້ນໜັກວ່າ: ໃນນາມຄະນະບໍລິຫານງານສູນກາງພັກຊຸດທີ 12 ແລະ ໃນນາມສ່ວນຕົວ, ຂ້າພະເຈົ້າຂໍຂອບອົບຂອບໃຈບັນດາຜູ້ແທນກອງປະຊຸມໃຫຍ່ ທີ່ໄດ້ໄວ້ວາງໃຈເລືອກຕັ້ງຄະນະບໍລິຫານງານ, ຖືວ່າ ນີ້ແມ່ນຄວາມຮັບຜິດຊອບ ແລະ ແມ່ນຄວາມເປັນກຽດອັນໃຫຍ່ຫລວງ: ທ່ານ ຫງວຽນຟູຈ້ອງ ກ່າວວ່າ:
“ພວກຂ້າພະເຈົ້າໃຫ້ຄຳໝັ້ນສັນຍາຕໍ່ໜ້າກອງປະຊຸມໃຫຍ່, ທົ່ວພັກ ແລະ ທົ່ວປວງຊົນວ່າ: ບໍລິຫານງານສູນກາງຊຸດທີ 12 ຈະພ້ອມກັບທົ່ວພັກ, ທົ່ວປວງຊົນ, ສືບຕໍ່ເສີມຂະຫຍາຍມູນເຊື້ອອັນສະຫງ່າລາສີ ແລະ ບົດຮຽນອັນລ້ຳຄ່າຂອງພັກ ເພີ່ມທະວີຄວາມສາມັກຄີເປັນເອກະສັນ, ເປັນເອກະພາບໃນແນວຄິດ ແລະ ການກະທຳ, ສືບຕໍ່ປ່ຽນໃໝ່ຈິນຕະນາການ, ນຳໃຊ້ແນວຄິດ ໂຮ່ຈີມິນ ຢ່າງມີຫົວຄິດປະດິດສ້າງ, ຢຶດໝັ້ນຈຸດໝາຍເອກະລາດ ແລະ ລັດທິສັງຄົມ. ປ່ຽນໃໝ່ວິທີການ, ວິຖິເຮັດວຽກຂອງບັນດາອົງການຊີ້ນຳນຳພາຂອງພັກ ແຕ່ຂັ້ນສູນກາງລົງຮອດຂັ້ນຮາກຖານ, ຕາມທິດວິທະຍາສາດ, ໝູ່ຄະນະ, ປະຊາທິປະໄຕ, ໃກ້ຊິດກັບປະຊາຊົນ, ເຄົາລົບປະຊາຊົນ, ເພື່ອປະຊາຊົນ, ເວົ້າໄປຄຽງຄູ່ກັບການກະທຳ ”
ກ່ອນໜ້ານັ້ນ, ກອງປະຊຸມໃຫຍ່ໄດ້ຮັບຮອງເອົາມະຕິກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ. ກອງປະຊຸມໃຫຍ່ກໍ່ຮັບຟັງທ່ານເລຂາທິການໃຫຍ່ ຫງວຽນຟູຈ້ອງ ອ່ານບົດປາໄສອັດກອງປະຊຸມໃຫຍ່.
ພາຍຫລັງອັດກອງປະຊຸມໃຫຍ່, ເລຂາທິການໃຫຍ່ພັກກອມມູນິດ ຫວຽດນາມ ຊຸດທີ 12 ເປັນປະທານການປະຊຸມຂ່າວພາຍໃນປະເທດ ແລະ ສາກົນ.