(ພາບປະກອບ: THX/TTXVN)

        ວັນທີ 02 ມັງກອນ, ຫ້ອງວ່າການນາຍົກລັດຖະມົນຕີ ອິດສະຣາແອັນ ໄດ້ອອກແຈ້ງການຢັ້ງຢືນເລື່ອງ ແທນອາວີບ ຈະຈັດສົ່ງຄະນະຜູ້ແທນ, ລວມມີບັນດາເຈົ້າໜ້າທີ່ຄວາມໝັ້ນຄົງຂັ້ນສູງຂອງອົງການສືບລາຊະການລັບ (Mossad), IDF (ກອງທັບ) ແລະ ອົງການຄວາມໝັ້ນຄົງພາຍໃນ (ISA) ໄປຍັງ ກາຕາ ເພື່ອປຶກສາຫາລືກ່ຽວກັບຂໍ້ຕົກລົງຢຸດຍິງຢູ່ເຂດ ກາຊາ.

        ໃນວັນດຽວກັນ, ທ່ານ Jihad Taha, ເຈົ້າໜ້າທີ່ຂັ້ນສູງຂອງ ຮາມາດ, ໃຫ້ຮູ້ວ່າ ກ່ອນໜ້ານັ້ນ, ຜູ້ຕາງໜ້າຂອງກຸ່ມນີ້ໄດ້ຈັດບັນດາການປຶກສາຫາລືກັບນັກໄກ່ເກ່ຍ ອີຢິບ, ກາຕາ ແລະ ຕວກກີ ຢູ່ ກາຍໂຣ, ກ່ຽວກັບບັນດາມາດຕະການຜ່ານຜ່າສິ່ງກີດຂວາງ ແລະ ເງື່ອນໄຂຢຸດຍິງໃໝ່ເຊິ່ງ ອິດສະຣາແອັນ ເພີ່ມຕື່ມຫວ່າງມໍ່ໆມານີ້. ທ່ານກໍ່ຢືນຢັນວ່າ, ກຸ່ມນີ້ພວມຕັ້ງໜ້າສຳຜັດ ແລະ ເປີດເຜີຍກັບທຸກບັນຫາທີ່ກ່ຽວຂ້ອງ.

        ໃນເຫດການອື່ນ, ວັນທີ 02 ມັງກອນ, ອິດສະຣາແອັນ ໄດ້ບຸກໂຈມຕີບັນດາຖານຍິງລູກສອນໄຟຂອງ ເຮັກໂບລາ ຢູ່ທາງທິດໃຕ້ ລີບັງ, ໂດຍບໍ່ຫົວຊາຕໍ່ຄຳສັ່ງຢຸດຍິງທີ່ບັນລຸໄດ້ກັບກຸ່ມນີ້ເຊິ່ງເລີ່ມມີຜົນສັກສິດແຕ່ວັນທີ 27 ພະຈິກ 2024.