ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ. (ພາບ:ກະຊວງການຕ່າງປະເທດ)

ນີ້ແມ່ນຄຳຢັ້ງຢືນໂດຍທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ ຍົກອອກທີ່ການຖະແຫລງຂ່າວຊື່ງດຳເນີນໃນຕອນບ່າຍວັນທີ 17 ພະຈິກ ຢູ່ ຮ່າໂນ້ຍ.

ກ່າວຄຳເຫັນທີ່ການຖະແຫລງຂ່າວ, ທ່ານນາງ ເລທິທູຮັ່ງໃຫ້ຮູ້ວ່າ:

“ບັນດາການນຳ ອາຊຽນ ແລະ ຈີນ ປາດຖະຫນາຢາກໃຫ້ສອງຝ່າຍບັນລຸ COC ໂດຍໄວ ມີປະສິດທິຜົນ, ແທດຈິງ, ສອດຄ່ອງກັບກົດໝາຍສາກົນ ພິເສດ ແມ່ນສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982, ປະກອບສ່ວນເຂົ້າໃນການຮັກສາສັນຕິພາບ, ຄວາມໝັ້ນຄົງ ແລະສະຖຽນລະພາບ ຢູ່ ພາກພື້ນ, ສ້າງສະພາບແວດລ້ອມສະດວກໃຫ້ແກ່ການແກ້ໄຂການຂັດແຍ່ງຢູ່ທະເລຕາເວັນອອກໂດຍສັນຕິວິທີ”

ເມື່ອລາຍງານຂ່າວກ່ຽວກັບກອງປະຊຸມສຸດຍອດ ອາຊຽນ - ຈີນຄັ້ງທີ 25 ຢູ່ ກຳປູເຈຍ ຫວ່າແລ້ວນີ້, ທ່ານນາງ ເລທິທູຮັ່ງ ກໍ່ໃຫ້ຮູ້ວ່າ: ການນຳບັນດາປະເທດ ອາຊຽນ ແລະຈີນໄດ້ແລກປ່ຽນຫລາຍມາດຕະການເພື່ອຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ອາຊຽນ - ຈີນ ໃຫ້ພັດທະນາແບບຍືນຍົງໃນຫລາຍຂົງເຂດ, ປະກອບສ່ວນຕັ້ງຫນ້າ ແລະມີປະສິດທິຜົນໃຫ້ແກ່ການຮ່ວມມືແບບສັນຕິ, ມີສະຖຽນລະພາບ, ວັດທະນາຖາວອນຂອງພາກພື້ນກໍ່ຄືໃນທົ່ວໂລກ.