ປະຊາຊົນຢູ່ເຂດ ກາຊາ (ພາບ: AFP)

        ວັນທີ 08 ສິງຫາ, ທ່ານປະທານາທິບໍດີ ອາເມລິກາ, ທ່ານປະທານາທິບໍດີ ອີຍິບ ແລະ ກະສັດ ກາຕາ ໄດ້ອອກຖະແຫຼງການຮ່ວມຮຽກຮ້ອງໃຫ້ ອິດສະຣາແອັນ ແລະ ຮາມາດສ ສ້າງຂໍ້ຕົກລົງຢຸດຍິງ ແລະ ປ່ອຍຕົວປະກັນຢູ່ ກາຊາ ໂດຍໄວ. ການນຳ 3 ປະເທດກໍ່ຢືນຢັນວ່າ, ຖ້າມີຄວາມຈຳເປັນ, ດ້ວຍບົດບາດແມ່ນບັນດາຄົນກາງໄກ່ເກ່ຍ, ບັນດາປະເທດນີ້ພ້ອມແລ້ວທີ່ຈະຍົກອອກຂໍ້ສະເໜີສຸດທ້າຍ ເພື່ອແກ້ໄຂບັນດາຄວາມບໍ່ລົງລອຍກັນປິ່ນອ້ອມເລື່ອງປະຕິບັດຂໍ້ຕົກລົງ ແລະ ຂໍ້ສະເໜີດັ່ງກ່າວຈະຕອບສະໜອງໄດ້ຄວາມມຸ່ງຫວັງຂອງບັນດາຝ່າຍ.

        ໃນເຫດການທີ່ກ່ຽວຂ້ອງ, ໃນວັນດຽວກັນ, ຫ້ອງວ່າການນາຍົກລັດຖະມົນຕີ ອິດສະຣາແອັນ ຖະແຫຼງວ່າ, ປະເທດນີ້ຈະເຂົ້າຮ່ວມການເຈລະຈາກ່ຽວກັບຂໍ້ຕົກລົງຢຸດຍິງໃນວັນທີ 15 ສິງຫາ, ຕາມຄຳສະເໜີຈາກ ອາເມລິກາ ແລະ ບັນດາຝ່າຍເປັນກາງ.

        ໃນຂະນະນັ້ນ, ຜູ້ນຳການເມືອງຄົນໃໝ່ຂອງຂະບວນການ ຮາມາດສ Yahya Sinwar, ໄດ້ແຈ້ງກັບບັນດາຄົນກາງໄກ່ເກ່ຍ ອີຢິບ ກ່ຽວກັບຫຼັກໝັ້ນບໍ່ປະນິປະນອມຕໍ່ບັນດາຈຸດອຸດຕັນທີ່ກີດຂວາງຂໍ້ຕົກລົງຢຸດຍິງຢູ່ເຂດ ກາຊາ.