(vovworld) – ວັນ​ທີ 20/5, ​ໂຄສົກ​ຂອງ​ທຳນຽບ 5 ​ແຈ ທ່ານ Jeff Davis ​ໄດ້​ປະ​ຕິ​ເສດ​ຂໍ້​ສະ​ເໜີການ​ຮ່ວມ​ມື​ຂອງ ລັດ​ເຊຍ ກ່ຽວ​ກັບ​ການ​ດຳ​ເນີນ​ບັນດາ​ການ​ບຸກ​ໂຈມ​ຕີ​ທາງ​ອາກາດຮ່ວມ​ຕ້ານ​ການ​ກໍ່​ກາ​ນຮ້າຍ​ຢູ່ ຊີຣີ. ກ່າວ​ຄຳ​ເຫັນ​ຕໍ່​ວົງ​ການ​ນັກ​ຂ່າວ, ທ່ານ Jeff Davis ​​ເນັ້ນ​ໜັກ​ວ່າ: ອາ​ເມ​ລິ​ກາ ຈະ​ບໍ່ຮ່ວມ​ມື ຫຼື ສົມທົບ​ກັບ ລັດ​ເຊຍ ​ບໍ່​ວ່າ​ໃນ​ບັ້ນການ​ທະຫານ​ໃດໆ​ຢູ່ ຊີຣີ. ຖະ​ແຫຼ​ງການ​ດັ່ງກ່າວ​ໄດ້​ຍົກ​ອອກ​ມາ​ພາຍຫຼັງທີ່ ລັດ​ເຊຍ ຍົກ​ອອກ​ຂໍ​້ສະ​ເໜີ​ກັບ ອາ​ເມ​ລິ​ກາ, ປະ​ເທດ​ນຳ​ໜ້າ​ກຸ່ມ​ສາກົນ​ສະໜັບ​ສະ​ໜູນ ຊີຣີ (ISSG), ​ເຂົ້າ​ຮ່ວມ​ບັນດາ​ບັ້ນ​ຮົບ​ຮ່ວມລະຫວ່າງ​ກຳລັງ​ກອງທັບ ອາກາດ ລັດ​ເຊຍ ​ແລະ ກຳລັງ​ກອງທັບ​ອາກາດ​ຂອງ​ພັນທະ​ມິດ​ຕ້ານ​ອົງການ​ລັດ​ອິດສະ​ລາມ (IS) ອ້າງ​ຊື່​ເອງ ຢູ່ ຊີຣີ ​ໂດຍ ວໍ​ຊິງ​ຕັນ​ນຳ​ໜ້າ. ຕາມ​ຂໍ້​ສະ​ເໜີ​ຂອງລັ​ດ​ເຊຍ, ຈຸດ​ປະສົງ​ຂອງ​ການ​ບຸກ​ໂຈມ​ຕີ​ນີ້​ແມ່ນ​ເພື່ອ​ແນ​ໃສ່​ຕ້ານ​ຄືນ​ແນວ​ໂຮມ Al – Nusra ​ແລະ ບັນດາ​ກຸ່ມ​ປະກອບ​ອາ​ວຸດທີ່​ຜິດ​ກົດໝາຍ, ທີ່ບໍ່ ເຄີຍ​ສະໜັບສະໜູນການ​ປະຕິບັດ​ຄຳ​ສັ່ງ​ຢຸດ​ຍິງ​ຊົ່ວ​ຄາວ​ຢູ່ ຊີຣີ ​ໂດຍ ມົດ​ສະ​ກູ ​ແລະ ວໍ​ຊິງ​ຕັນ ​ເປັນກາງ. ຕາມ​ລັ​ດ​ເຊຍ ​ແລ້ວ, ບັນດາ​ການ​ບຸກ​ໂຈມ​ຕີ​ຮ່ວມ​ກໍ່​ຈະ​ເພື່ອ​ແນ​ໃສ່​ບັນດາ​ຂະ​ບວນລົດ​ບັນຈຸ​ອາວຸດ ​ແລະ ລູກປືນ, ​ໃນ​ນັ້ນ​ມີ​ບັນດາ​ຂະ​ບວນລົດ​ການ​ທະຫານ​ແຊກ​ຊຶມ​ເຂົ້າ​ຊີຣີ ຜ່ານ​ເຂດ​ຊາຍ​ແດນ ຕວກກີ.