ຕາມຖະແຫຼງການຂອງກະຊວງການເງິນອາເມລິກາ ແລ້ວ, ບັນດາມາດຕະການລົງໂທດໃໝ່ແນໃສ່ບໍລິສັດ Volasys Silver Star ຕັ້ງຢູ່ລັດເຊຍ ແລະ ບໍລິສັດ Yanbian Siverstar Network Technology ຕັ້ງຢູ່ຈີນ. ນອກນັ້ນ, ຕາມກະຊວງການຕ່າງປະເທດອາເມລິກາ ແລ້ວ, ມີພົນລະເມືອງສປປ.ເກົາຫຼີ ຜູ້ 1 ທີ່ມີຊື່ວ່າ Song Hwa Jong ກໍ່ຖືກລົງໂທດເຊັ່ນດຽວກັນ.

        ກ່ອນໜ້ານັ້ນ, ວັນທີ 15 ສິງຫາ, ອາເມລິກາ ກໍຈັດວາງຄຳສັ່ງລົງໂທດສຳລັບບໍລິສັດການບໍລິການທ່າກ່ຳປັ່ນລັດເຊຍ ພ້ອມກັບບັນດາບໍລິສັດຈີນ ຍ້ອນໄດ້ຊ່ວຍກ່ຳປັ່ນຂອງສປປ.ເກົາຫຼີ ແລະ ຂາຍຢາສູບ, ເຫຼົ້າໃຫ້ພຽງຢາງ. ກະຊວງການຕ່າງປະເທດລັດເຊຍ ໄດ້ກ່າວເຕືອນວ່າ, ບັນດາຄຳສັ່ງລົງໂທດຂອງອາເມລິກາ ອາດຈະກໍ່ໃຫ້ເກີດຄວາມເສຍຫາຍຕໍ່ວິວັດທະນາການສັນຕິພາບໃນແຫຼມເກົາຫຼີ.