ອາເມລິກາແລະອາບການີ ສະຖານໂຕ້ຖຽງກັນ ກ່ຽວກັບຈຸດເວລາເຊັນ ສັນຍາປ້ອງກັນຄວາມສະຫງົບ
(ພາບ: AFP-TTXVN )
(vovworld)- ເຖິງວ່າໄດ້ເຫັນດີເປັນເອກະສັນນຳກັນກ່ຽວກັບເອກະສານສະບັບສຸດທ້າຍແລ້ວກໍ່ຕາມ ແຕ່ວ່າໃນວັນທີ 22/11, ອາເມລິກາ ແລະ ອາບການີສະຖານ ຍັງໂຕ້ຖຽງກັນກ່ຽວກັບຈຸດເວລາເຊັນສັນຍາປ້ອງກັນຄວາມສະຫງົບສອງຝ່າຍ (BSA) ກ່ຽວຂ້ອງເຖິງການມີໜ້າຂອງທະຫານອາເມລິກາ ຢູ່ປະເທດອາບການີສະຖານ ພາຍຫຼັງວິວັດການຖອນທະຫານໃນທ້າຍປີ 2014. ເລື່ອງເຊັນ BSA ລະຫວ່າງເມລິກາ ແລະ ອາບການີສະຖານ ໄດ້ພົບກັບສິ່ງກີດຂວາງໃຫ່ຍພາຍຫຼັງທີ່ໂຄສົກທຳນຽບປະທານາທິບໍດີອາບການີສະຖານປະກາດວ່າ, ທ່ານ Hamid Karzai ປະທານາທິບໍດີອາບການີສະຖານ ອາດຈະໃຫ້ຜູ້ສືບທອດທ່ານ ພາຍຫຼັງການເລືອກຕັ້ງທົ່ວປະເທດໃນວັນທີ 5/4/2014 ເຊັນເອກະສານສະບັບນີ້. ທຳນຽບຂາວຢືນຢັນວ່າ, ເລື່ອງອາເມລິກາ ແລະ ອາບການີສະຖານ ເຊັນຂໍ້ຕົກລົງປ້ອງກັນຄວາມສະຫງົບປອດໄພສະບັບໃໝ່ໃນປີນີ້ແມ່ນສິ່ງຮີບດ່ວນ. ໂຄສົກທຳນຽບຂາວກ່າວເຕືອນວ່າ: ອຳນາດການປົກຄອງຂອງປະທານາທິບໍດີ Barack Obama ຈະພິຈາລະນາບັນດາບ້ວງເງິນອຸປະຖຳຈຳເປັນໃຫ້ແກ່ອາບການີສະຖານ ຄືນໃໝ່ຖ້າຫາກວ່າປະເທດນີ້ບໍ່ເຊັນ BSA ໃນປີ 2013 ນີ້.