(vovworld) - ວັນ​ທີ 31/01, ກ່າວ​ຄຳ​ເຫັນ​ທີ່​ການ​ພົບ​ປະກັບ​ທ່ານ Hugo Swire ລັດຖະມົນຕີການ​ຕ່າງປະ​ເທດ​ອັງ​ກິດ ຜູ້​ຮັບ​ຜິດ​ຊອບ​ບັນດາ​ບັນຫາ​ຕ່າງປະ​ເທດ ​ແລະ ກຸ່ມ​ຈະ​ເລີ​ນຮຸ່ງ​ເຮືອງ​ລວມ ​ຢູ່ພະນົມ​ເປັນ, ທ່ານ​ຮອງ​ນາຍົກລັດຖະມົນ​ຕີ ທັງ​ເປັນ​ລັດຖະມົນຕີ​ການ​ຕ່າງປະ​ເທດ ກຳປູ​ເຈຍ Hor Namhong ​ໄດ້​ຮຽກຮ້ອງ​ໃຫ້​ພັກ​ຝ່າຍ​ຄ້າ​ນກູ້ຊາດ (CNRP) ຢຸດຕິ​ບັນດາ​ການ​ແຫ່​ຂະ​ບວນປະທ້ວງ​ຢູ່​ຖະໜົນ ​ແລະ ​ເຂົ້າ​ຮ່ວມ​ສະພາ​ແຫ່ງ​ຊາດ ຖ້າ​ຫາກ​ຢາກ​ປຶກສາ​ຫາລືກ່ຽວ​ກັບ​ການ​ປະ​ຕິ​ຮູບ​ການ​ເລືອກ​ຕັ້ງ ຫຼື ຈັດການ​ປ່ອນ​ບັດ​​ເລືອກ​ຕັ້ງ​ຄືນ​ໃໝ່. ທ່ານ​ຮອງນາຍົກລັດຖະມົນຕີ Namhong ​ໃຫ້​ຮູ້​ວ່າ ຕາມ​ລັດຖະທຳ​ມະນູນ​ກຳ​ປູ​ເຈຍ ​ແລ້ວ, ສະພາ​ແຫ່ງ​ຊາດ​ບໍ່​ສາມາດ​ຖືກ​ຍຸບ​ເລີກ​ກ່ອນ​ສິ້ນ​ສຸດ​ອາຍຸ​ການ 5 ປີ. ຄຳ​ຮຽກຮ້ອງ​ຂອງ​ຝ່າຍ​ຄ້ານ ກ່ຽວ​ກັບ​ການຈັດ​ຕັ້ງ​ການ​​ເລືອ​ກຕັ້ງ​ຄືນ​ໃໝ່ ​ຫຼື ຈັດການປ່ອນ​ບັດ​ເລືອກ​ຕັ້ງກ່ອນ​ກຳນົດ​ເວລາ ຕ້ອງ​ມີ​ການປ່ຽນ​​ແປງ​ລັດຖະທຳ​ມະນູນ. ສະ​ນັ້ນ, ທັງ 2 ຝ່າຍ​ຕ້ອງ​ມີ​ການ​ເຈລະຈາ​ໃນ​ສະພາ​ແຫ່ງ​ຊາດ. ທ່ານ Namhong ​ເນັ້ນ​ໜັກ​ວ່າ ຍາມ​ໃດພັກ​ກຳ​ອຳນາດ (CPP) ກໍ່​ລໍ​ຖ້າການ​ເຈ​ລະ​ຈາ​ ຈາກ​ຝ່າຍ​ຄ້ານກ່ຽວ​ກັບ​ບັນຫາ​ພວມ​ໂຕ້​ຖຽນກັນ.

        ສ່ວນ​ທ່ານ Hugo Swire ​ໃຫ້​ຮູ້​ວ່າ, 2 ພັກ​ຕ້ອງ​ມີ​ການ​ພົບ​ປະ ​ແລະ ​ປຶກສາ​ຫາລື ​ເພື່ອ​ຊອກ​ຫາ​ມາດ​ຕະການ​ສັນຕິພາບ​ກ່ຽວ​ກັບ​ບັນດາ​ບັນຫາ​ທີ່​ບໍ່​ລົງ​ລອຍ​ກັນ.