ທີ່ການພົບປະ, ລັດຖະມົນຕີ 2 ທ່ານໄດ້ຕີລາຄາສູງໝາກຜົນກອງປະຊຸມ ຄັ້ງທີ 2 ຄະນະກຳມະການຮ່ວມມື 2 ຝ່າຍຫວຽດນາມ - ບຣຸໄນ ເຊິ່ງດຳເນີນເມື່ອເດືອນກຸມພາ 2017 ຢູ່ຮ່າໂນ້ຍ ແລະ ເຫັນດີນຳກັນວ່າ ຈະເປັນປະທານຮ່ວມກອງປະຊຸມຄັ້ງທີ 3 ຢູ່ບຣຸໄນ ເຊິ່ງຈະດຳເນີນໃນປີ 2018. 2 ຝ່າຍຢືນຢັນວ່າ ຈະສົມທົບກັນຢ່າງແໜ້ນແຟ້ນ ເພື່ອນຳບັນດາຂົງເຂດຮ່ວມມືເຂົ້າສູ່ລວງເລິກ, ໃນບັນດາຂົງເຂດການເມືອງ, ການປ້ອງກັນຊາດ, ປ້ອງກັນຄວາມສະຫງົບ, ການຮ່ວມມືທາງທະເລ, ການສຶກສາ… 2 ຝ່າຍກໍ່ແລກປ່ຽນບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ ແລະ ເຫັນດີເພີ່ມທະວີການຮ່ວມມືຢູ່ບັນດາເວທີປາໄສຫຼາຍຝ່າຍຢ່າງແໜ້ນແຟ້ນຄື: ອາຊຽນ, APEC, ASEM, ສະຫະປະຊາຊາດ. ທ່ານລັດຖະມົນຕີ Lim Jock Seng ຕີລາຄາສູງບັນດາຂໍ້ລິເລີ່ມ, ຄວາມມານະພະຍາຍາມຂອງຫວຽດນາມ ໃນການຈັດຕັ້ງສັບປະດາຂັ້ນສູງ APEC 2017 ແລະ ໃຫ້ຄຳໝັ້ນສັນຍາສະໜັບສະໜູນຫວຽດນາມ ປະຕິບັດສຳເລັດບົດບາດເປັນເຈົ້າພາບຈັດຕັ້ງ APEC, ເພື່ອແນໃສ່ຮັບປະກັນໃຫ້ APEC 2017 ບັນລຸຜົນສຳເລັດ ກໍຄືຍົກສູງຖານະບົດບາດ, ທີ່ຕັ້ງຂອງ APEC ເພື່ອສັນຕິພາບ, ຄວາມວັດທະນາຖາວອນ, ການຮ່ວມມືຢູ່ພາກພື້ນ ແລະ ໃນໂລກ.