ການຕ້ອນຮັບທີ່ສຳນັກງານສະພາແຫ່ງຊາດ
(ພາບ: quochoi.vn)
|
(vovworld) – ຕອນເຊົ້າວັນທີ 30/11, ຢູ່ສຳນັກງານສະພາແຫ່ງຊາດ, ທ່ານ ຟູ່ງກວກຫຽນ, ຮອງປະທານສະພາແຫ່ງຊາດ ຫວຽດນາມ ໄດ້ຕ້ອນຮັບຄະນະຜູ້ແທນສະພາດຳເນີນທຸລະກິດ ອາເມລິກາ - ອາຊຽນ ໂດຍທ່ານ Alexander C Feilman, ປະທານສະພາເປັນຫົວໜ້າຄະນະ, ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານຮອງະທານສະພາແຫ່ງຊາດ ຟູ່ງກວກຫຽນ ຕີລາຄາສູງບົດບາດຂອງສະພາ ແລະ ບັນດາວິສາຫະກິດ ອາເມລິກາ ໃນວິວັດການສ້າງການພົວພັນ ແລະ ຊຸກຍູ້ການຮ່ວມມືກັບ ຫວຽດນາມ ເປັນປົກກະຕິ. ທ່ານຮອງປະທານສະພາແຫ່ງຊາດ ຟູ່ງກວກຫຽນ ຢັ້ງຢືນວ່າ ສະພາແຫ່ງຊາດ ຫວຽດນາມ ຖືສັນຍາຄູ່ຮ່ວມມືຂ້າມປາຊີຟິກ (TPP)ເປັນສຳຄັນ, ພວມປຶກສາຫາລືກ່ຽວກັບວິວັດການປັບປຸງ, ປະກາດໃຊ້ກົດໝາຍໃໝ່ເພື່ອປະຕິບັດບັນດາຄຳໝັ້ນສັນຍາໃນ TPP ຢ່າງເຂັ້ມງວດ.
ທ່ານ Alexander C Feilman ໄດ້ຕີລາຄາສູງຄວາມມານະພະຍາຍາມຂອງລັດຖະບານ, ສະພາແຫ່ງຊາດ ຫວຽດນາມ ໃນການປັບປຸງສະພາບແວດລ້ອມແຫ່ງການລົງທຶນ, ສ້າງເງື່ອນໄຂພັດທະນາໃຫ້ບັນດານັກລົງທຶນຕ່າງປະເທດ, ພ້ອມທັງຢັ້ງຢືນວ່າ ດ້ວຍຖານະຂອງຕົນ, ທ່ານຈະເຮັດຈົນສຸດຄວາມສາມາດຂອງຕົນເພື່ອຊຸກຍູ້ການພົວພັນຮ່ວມມືລະຫວ່າງ ອາເມລິກາ ແລະ ອາຊຽນ, ໃນນັ້ນມີ ຫວຽດນາມ, ພິເສດແມ່ນໃນຂົງເຂດເສດຖະກິດ.