(ພາບປະກອບ: AFP/TTXVN)

ວັນທີ 05 ມັງກອນ, ສື່ມວນຊົນຕາເວັນອອກກາງ ໄດ້ຄັດສະເໜີແຫຼ່ງຂ່າວຈາກສະມາຊິກຂັ້ນສູງຂຶ້ນກັບກຳລັງ ຮາມາດສ ຂອງ ປາແລັດສະຕິນ ໃຫ້ຮູ້ວ່າ, ກຳລັງນີ້ພ້ອມແລ້ວທີ່ຈະປ່ອຍຕົວປະກັນເປັນອິດສະຫຼະພາບສຳລັບ 34 ຄົນຂອງ ອິດສະຣາແອັນ “ໄລຍະທຳອິດ” ຂອງຂໍ້ຕົກລົງແລກປ່ຽນນັກໂທດ ທີ່ສາມາດໄດ້ປະຕິບັດກັບຝ່າຍ ອິດສະຣາແອັນ. ຕາມເຈົ້າໜ້າທີ່ທ່ານນີ້ແລ້ວ, ຕົວປະກັນ 34 ຄົນໃນຂໍ້ຕົກລົງແລກປ່ຽນ ລວມມີແມ່ຍິງ, ເດັກນ້ອຍ, ຜູ້ເຖົ້າ ແລະ ບັນດາຜູ້ເຈັບເປັນເຊິ່ງພວມຖືກກັກຂັງຢູ່ ກາຊາ.

          ໃນຂະນະນັ້ນ, ໃນວັນດຽວກັນ, ຫ້ອງວ່າການນາຍົກລັດຖະມົນຕີ ອິດສະຣາແອັນ Benjamin Netanyahu ໃຫ້ຮູ້ວ່າ, ຮາມາດສ ຍັງບໍ່ທັນສະໜອງບັນຊີລາຍຊື່ບັນດາຕົວປະກັນ ອິດສະຣາແອັນ ທີ່ຈະໄດ້ຮັບການປ່ອຍຕົວ. ແລະກໍ່ໃນວັນດຽວກັນ, ຊ່ອງໂທລະພາບ Kan ຂອງ ອິດສະຣາແອັນ ໃຫ້ຂ່າວວ່າ, ທ່ານ David Barnea, ຫົວໜ້າອົງການສືບລາຊະການລັບ Mossad ອິດສະຣາແອັນ ເດີນທາງໄປ ກາຕາ ໃນວັນທີ 06 ມັງກອນ ນີ້ເພື່ອເຂົ້າຮ່ວມການເຈລະຈາຢຸດຍິງທີ່ພວມດຳເນີນໄປຢູ່ເຂດ ກາຊາ.