ເຊີດຊູນັກທຸລະກິດໜຸ່ມທີ່ດີເດັ່ນ100ຄົນໃນການເລີ່ມປະກອບອາຊີບ
(ທ່ານຮອງປະທານສະພາແຫ່ງຊາດ ອວງຈຸລິວ
ກ່າວຄຳເຫັນທີ່ພິທີ)
(vovworld) - ຕອນເຊົ້າວັນທີ 04/06, ສະມາຄົມນັກທຸລະກິດໜຸ່ມຫວຽດນາມ ໄດ້ຈັດພິທີມອບນາມມະຍົດນັກທຸລະກິດໜຸ່ມດີເດັ່ນໃນເລີມປະກອບອາຊີບປີ 2016 ໃນ Top 100 ນັກທຸລະກິດດີເດັ່ນ. ກ່າວຄຳເຫັນທີ່ພິທີມອບລາງວັນ, ທ່ານຮອງປະທານສະພາແຫ່ງຊາດ ອວງຈຸລິວ ຢືນຢັນວ່າ, ດ້ວຍຄວາມຮັບຮູ້ຢ່າງຖືກຕ້ອງກ່ຽວກັບບົດບາດຂອງຖັນແຖວນັກທຸລະກິດໃນພາລະກິດຫັນປະເທດຊາດເປັນປະເທດອຸສາຫະກຳ ແລະ ທັນສະໄໝ, ໃນຊຸມປີຜ່ານມາ, ຫວຽດນາມ ໄດ້ສ້າງບັນດາແຜນນະໂຍບາຍ, ນະໂຍບາຍ ເພື່ອສ້າງເງື່ອນໄຂໃຫ້ນັກທຸລະກິດ, ວິສາຫະກິດເຄື່ອນໄຫວ ແລະ ພັດທະນາ. ທ່ານຮອງປະທານສະພາແຫ່ງຊາດ ອວງຈຸລິວ ໄດ້ເວົ້າວ່າ.
“ຂ້າພະເຈົ້າຂໍອວຍພອນໃຫ້ບັນດານັກທຸລະກິດໜຸ່ມທີ່ເປັນກຽດໄດ້ຮັບນາມມະຍົດເລີ່ມປະກອບອາຊີບທີ່ດີເດັ່ນປີ 2016. ພວກເພື່ອນແມ່ນບັນດາຜູ້ຕາງໜ້າທີ່ເປັນແບບຢ່າງ, ແມ່ນຮູບພາບຂອງຊາວໜຸ່ມປະຈັນບານລຸ້ນໃໝ່ໃນແນວຮົບເສດຖະກິດ. ຂ້າພະເຈົ້າປາດຖະໜາວ່າ, ບັນດານັກທຸລະກິດໜຸ່ມຈະຮຽງບ່າຮຽງໄຫຼ່ ພ້ອມກັບນັກທຸລະກິດລຸ້ນກ່ອນໆ ສືບຕໍ່ເສີມຂະຫຍາຍທ່າແຮງຂອງຕົນ, ແກ້ໄຂທຸກໆຄວາມຫຍຸ້ງຍາກ, ຜ່ານຜ່າສິ່ງທ້າທາຍ ເພື່ອພັດທະນາວິສາຫະກິດ, ຍົກສູງອິດທິພົນຊື່ສຽງເຄື່ອງໝາຍຜະລິດຕະພັນ, ເຄື່ອງໝາຍວິສາຫະກິດ, ຍົກສູງປະສິດທິຜົນກຳລັງແກ່ງແຍ້ງຂອງວິສາຫະກິດ… ເພື່ອສ້າງຄວາມຮັ່ງມີໃຫ້ແກ່ຕົນເອງ, ປະກອບສ່ວນສ້າງສາບ້ານເກີດເມືອງນອນ”.