(ພາບປະກອບ)
(vovworld) - ວັນທີ 30/06 ທະນາຄານໂລກປະຈຳ ຫວຽດນາມ ໃຫ້ຮູ້ວ່າ ທະນາຄານໂລກຫາກໍເຊັນອະນຸມັດໂຄງການເພີ່ມທະວີບຳລຸງສ້າງຄູອາຈານ ເພື່ອແນໃສ່ປະກອບສ່ວນການໜູນຊ່ວຍຄວາມມານະພະຍາຍາມປ່ຽນໃໝ່ການສຶກສາ ຫວຽດນາມ ໂດຍຜ່ານການບຳລຸງສ້າງດ້ານວິຊາການໃຫ້ຄູອາຈານ ແລະ ຜູ້ອຳນວຍການໂຮງຮຽນເປັນປະຈຳ. ໂຄງການຈະຊ່ວຍບັນດາຄູອາຈານ ແລະ ຜູ້ອຳນວຍການໂຄງຮຽນມັດທະຍົມ ກຳແໜ້ນບັນດາເອກະສານຫລັກສູດ ແລະ ບັນດາວິທີການສິດສອນໃໝ່, ພ້ອມທັງ ປັບປຸງວິທີການສິດສອນໃຫ້ເໝາະສົມກັບຄວາມຮຽກຮ້ອງຕ້ອງການຂອງນັກຮຽນ. ບັນດາຄູອາຈານຈະໄດ້ຮັບການບຳລຸງສ້າງຕາມຄວາມຕ້ອງການ ແລະ ຖືກກັບໄລຍະຈຸດເວລາ, ໂດຍກົງຢູ່ບັນດາໂຮງຮຽນ ຫຼື ຊຸດຮຽນຕ່າງໆໂດຍຜ່ານທາງອິນເຕີແນັດ ຫຼື ຕາໜ່າງໜູນຊ່ວຍ. ໂຄງການຈະສົ່ງເສີມຄູອາຈານ ແລະ ຜູ້ອຳນວຍການໂຮງຮຽນຊາວຊົນເຜົ່າສ່ວນໜ້ອຍ ແລະ ເພດຍິງເຂົ້າຮ່ວມຖັນແຖວູຄອາຈານຫຼັກແຫຼ່ງແກ່ນສານ ແລະ ທີ່ປຶກສາໃຫ້ຜູ້ອຳນວຍການໂຮງຮຽນ.