(ພາບປະກອບ)
(vovworld)- ຕອນເຊົ້າວັນທີ 12/6, ຢູ່ຮ່າໂນ້ຍ, ກະຊວງແຜນການ ແລະ ການລົງທຶນຫວຽດນາມ ໄດ້ຈັດການພົບປະສົນທະນາ “ການສົ່ງເສີມການລົງທຶນ, ການຄ້າຫວຽດນາມ-ໂມຊຳບິກ”. ກ່າວຄຳເຫັນນະທີ່ນີ້, ທ່ານດ່າວກວາງທູ, ຮອງລັດຖະມົນຕີກະຊວງແຜນການ ແລະ ການລົງທຶນຫວຽດນາມ ເນັ້ນໜັກວ່າ: ການຮ່ວມມືລົງທຶນລະຫວ່າງຫວຽດນາມ-ໂມຊຳບິກ ຍັງມີຢູ່ໃນດ້ານກະສິກຳ ແລະ ໂທລະຄົມເທົ່ານັ້ນ ແຕ່ການເຄື່ອນໄຫວຂອງບັນດາໂຄງການກໍ່ບັນລຸໝາກຜົນທີ່ດີ, ສ້າງບາດກ້າວເດີນໝັ້ນຄົງໃນການພົວພັນຮ່ວມມືລົງທຶນລະຫວ່າງສອງປະເທດ. ທ່ານຮອງລັດຖະມົນຕີດ່າວກວາງທູ ຕີລາຄາວ່າ: ນີ້ແມ່ນຈຸດເລີ່ມຕົ້ນທີ່ສະດວກ, ເພື່ອດຶງດູດບັນດານັກລົງທຶນຫວຽດນາມ ເຂົ້າມາໂມຊຳບິກ ລົງທຶນໃນຫລາຍຂົງເຂດທີ່ມີຄວາມສາມາດບົ່ມຊ້ອນໃນໄລຍະຈະມາເຖິງ ພອ້ມທັງສະເໜີວ່າ: ໃນຂອບເຂດບັນດາການຮ່ວມມືສອງຝ່າຍລະຫວ່າງຫວຽດນາມ-ໂມຊຳບິກ ໃນໄລຍະຈະມາເຖິງ, ບັນດາອົງການມີໜ້າທີ່ຮັບຜິດຊອບສອງປະເທດ ຕ້ອງສົມທົບກັນ ແລະ ສ້າງເງື່ອນໄຂສະດວກເພື່ອໃຫ້ມີວິສາຫະກິດແຕ່ລະປະເທດ ມີຄວາມສົນໃຈຕໍ່ຕະຫລາດຂອງກັນຫຼາຍກ່ວາອີກ. ສ່ວນທ່ານ Aiuba Cuereneia ລັດຖະມົນຕີກະຊວງແຜນການ ແລະ ພັດທະນາໂມຊຳບິກ ປາດຖະໜາວ່າ ສອງປະເທດຈະສືບຕໍ່ຊຸກຍູ້ການຮ່ວມມືດ້ານການລົງທຶນ, ການຄ້າ.. ມາຮອດປະຈຸບັນ, ບັນດາວິສາຫະກິດຫວຽດນາມ ໄດ້ລົງທຶນເຂົ້າໂມຊຳບິກ ປະມານ 350 ລ້ານໂດລາສະຫະລັດ, ຢືນອັນດັບທີ 8 ໃນຈຳນວນ 60 ປະເທດ ແລະ ເຂດແຄ້ວນທີ່ມີການເຄື່ອນໄຫວລົງທຶນຂອງວິສາຫະກິດຫວຽດນາມ.