(ພາບປະກອບ: vietnamplus.vn)
(vovworld)- ໂດຍໄດ້ຮັບຄຳເຊີນຈາກທ່ານ Jonathan Coleman ລັດຖະມົນຕີກະຊວງປ້ອງກັນປະເທດນິວຊີແລນ, ທ່ານພົນເອກຟຸ່ງກວາງແທງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ນຳໜ້າຄະນະຜູ້ແທນທະຫານຂັ້ນສູງຫວຽດນາມ ໄປຢ້ຽມຢາມສັນຖະວະໄມຕີນິວຊີແລນ ຢ່າງເປັນທາງການແຕ່ວັນທີ 20-25/3. ວັນທີ 21/3, ຄະນະຜູ້ແທນທະຫານຂັ້ນສູງຫວຽດນາມ ແລະ ຄະນະຜູ້ແທນກະຊວງປ້ອງກັນປະເທດນິວຊີແລນ ໄດ້ດຳເນີນການພົບປະເຈລະຈາ. ນະທີ່ນີ້, ລັດຖະມົນຕີສອງທ່ານໄດ້ແລກປ່ຽນບາງສະພາບການສາກົນ ແລະ ພາກພື້ນຊື່ງຕ່າງຝ່າຍມີຄວາມສົນໃຈ. ທ່ານລັດຖະມົນຕີຟຸ່ງກວາງແທງ ຢືນຢັນວ່າ: ຫວຽດນາມ ຖືການພົວພັນຄູ່ຮ່ວມມືຮອບດ້ານກັບນິວຊີແລນ ເປັນສຳຄັນທີ່ສຸດ, ໃນນັ້ນມີການຮ່ວມມືດ້ານການປ້ອງກັນຊາດ. ສ່ວນທ່ານລັດຖະມົນຕີ Jonathan Coleman ຢືນຢັນວ່າ: ກະຊວງປ້ອງກັນປະເທດນິວຊີແລນ ຈະສືບຕໍ່ຮ່ວມມືກັບກະຊວງປ້ອງກັນປະເທດຫວຽດນາມ ໃນການບຳລຸງສ້າງ, ໂດຍສະເພາະແມ່ນການຍົກລະດັບຄວາມຮູ້ດ້ານພາສາອັງກິດໃຫ້ແກ່ນາຍທະຫານຫວຽດນາມ ແລະ ເພີ່ມທະວີການແລກປ່ຽນບົດຮຽນກ່ຽວກັບທະຫານເຮືອ. ນິວຊີແລນ ສະໜັບສະໜູນຂໍ້ລິເລີ່ມຂອງຫວຽດນາມ ໃນການສ້າງຕັ້ງກຸ່ມຜູ້ຊ່ຽວຊານຮ່ວມມືກ່ຽວກັບການແກ້ໄຂຜົນຮ້າຍຢ້ອນຫຼັງຈາກລູກລະເບີດໝາກໝິ່ນຫຼັງສົງຄາມ ແລະ ສະໜັບສະໜູນທັດສະນະຂອງຫວຽດນາມ ໃນການແກ້ໄຂການພິພາດໂດຍສັນຕີວິທີ, ປະຕິບັດກົດໝາຍສາກົນ.