(ທ່ານ ໂດ້ຕຽນຊີ້, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ (VOV) ແລະ ທ່ານ Gaurav Dwivedi, ຜູ້ອຳນວຍການໃຫຍ່ຝ່າຍບໍລິຫານວິທະຍຸກະຈາຍສຽງ Prasar Bharati ອິນເດຍ)

        ວັນທີ 01 ສິງຫາ, ຢູ່ ນິວເດລີ, ປະເທດ ອິນເດຍ, ທ່ານ ໂດ້ຕຽນຊີ້, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ (VOV) ແລະ ທ່ານ Gaurav Dwivedi, ຜູ້ອຳນວຍການໃຫຍ່ຝ່າຍບໍລິຫານວິທະຍຸກະຈາຍສຽງ Prasar Bharati ອິນເດຍ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານວິທະຍຸກະຈາຍສຽງ ແລະ ໂທລະພາບ ລະຫວ່າງ VOV ແລະ ວິທະຍຸກະຈາຍສຽງ Prasar Bharati ອິນເດຍ. ພິທີລົງນາມຈັດຂຶ້ນພາຍໃຕ້ການເປັນສັກຂີພິຍານຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ ອິນເດຍ Narendra Modi, ໃນຂອບເຂດການຢ້ຽມຢາມທາງລັດຖະກິດ ອິນເດຍ ຂອງທ່ານນາຍົກລັດຖະມົນຕີ ຟ້າມມິງຈິງ.

        ຕາມບົດບັນທຶກຊ່ວຍຈຳມີຜົນສັກສິດເປັນເວລາ 3 ປີ, VOV ແລະ ທະຍຸກະຈາຍສຽງ Prasar Bharati ອິນເດຍ ເຫັນດີແລກປ່ຽນ ແລະ ຮ່ວມມືໃນການຜະລິດບັນດາລາຍການກະຈາຍສຽງ ແລະ ໂທລະພາບໃນບັນດາຂົງເຂດ, ຄື: ວັດທະນະທຳ, ການສຶກສາ, ວິທະຍາສາດ, ບັນເທິງ, ກິລາ, ປະຫວັດສາດ, ທ່ອງທ່ຽວ, ຂ່າວສານ… 2 ຝ່າຍຈະອອກອາກາດບັນດາລາຍການແລກປ່ຽນນີ້ຜ່ານວິທະຍຸກະຈາຍສຽງ, ໂທລະພາບ ແລະ ເຕັກນິກດີຈີຕອນ.

        2 ຝ່າຍກໍ່ເຫັນດີຈະແຈ້ງໃຫ້ກັນຊາບກ່ຽວກັບບັນດາເຫດການ, ງານບຸນ ແລະ ງານປະກວດດ້ານວັດທະນະທຳ, ເສດຖະກິດ, ການເມືອງ ແລະ ສັງຄົມສຳຄັນທີ່ໄດ້ຈັດຂຶ້ນຢູ່ແຕ່ລະປະເທດ, ຜ່ານນັ້ນ, ກໍ່ສົ່ງເສີມການເຂົ້າຮ່ວມໃຫ້ຂ່າວຂອງນັກຂ່າວແຕ່ລະວິທະຍຸ. 2 ຝ່າຍກໍ່ເຫັນດີຮ່ວມມືກັນແລກປ່ຽນບຸກຄະລາກອນ ແລະ ບຳລຸງສ້າງນັກຂ່າວ, ຜ່ານນັ້ນ, ກໍ່ເພື່ອແນໃສ່ແລກປ່ຽນຄວາມຮູ້ດ້ານວິຊາສະເພາະ, ວິຊາການລະຫວ່າງ 2 ວິທະຍຸ.