ລາຍການສະແດງສິລະປະທີ່ສະຖານທູດຫວຽດນາມ ປະຈຳຍີ່ປຸ່ນ
(ພາບ: vov)
(vovworld)- ຕອນຄ່ຳວັນທີ 28/1, ສະຖານທູດຫວຽດນາມ ປະຈຳຍີ່ປຸ່ນ ໄດ້ຈັດງານລ້ຽງໃນໂອກາດບຸນປີໃໝ້ປະຈຳຊາດໂດຍມີການເຂົ້າຮ່ວມຂອງບັນດາເຈົ້າໜ້າທີ່, ນັກການເມືອງ, ຜູ້ຕາງໜ້າບັນດາອົງການຈັດຕັ້ງ, ວິສາຫະກິດຍີ່ປຸ່ນ ແລະ ອົງການທູຕານຸທູດຢູ່ໂຕກຽວ. ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ຫວຽດນາມ ປະຈຳຍີ່ປຸ່ນ ດ່ວານຊວນຮຶງ ຢືນຢັນເຖິງຄວາມຄຶບໜ້າອັນໝັ້ນຄົງໃນການພົວພັນຫວຽດນາມ-ຍີ່ປຸ່ນ ໃນປີ 2013 ຊື່ງແມ່ນປີສະເຫຼີມສະຫຼອງ 40 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງສອງປະເທດ ແລະ ບັນດາເຫດການວັດທະນະທຳ, ເສດຖະກິດຖືກຈັດຂຶ້ນໃນປີຜ່ານມາໄດ້ເຮັດໃຫ້ຄວາມເຂົ້າອົກເຂົ້າໃຈ ແລະ ໄວ້ເນື້ອເຊື່ອໃຈລະຫວ່າງປຊຊ ສອງປະເທດເລິກເຊິ່ງຂຶ້ນຕື່ມ. ພິເສດເລື່ອງທ່ານນາຍົກລັດຖະມົນຕີຍີ່ປຸ່ນ Shinzo Abe ເລືອກຫວຽດນາມ ແມ່ນປະເທດທຳອິດໃນການໄປປະຕິບັດງານຢູ່ຕ່າງປະເທດ ຫຼັງການຮັບດຳລົງຕຳແໜ່ງ ພ້ອມກັບການຢ້ຽມຢາມຍີ່ປຸ່ນ ຢ່າງເປັນທາງການຂອງທ່ານນາຍົກລັດຖະມົນຕີຫວຽດນາມ ຫງວຽນເຕິນຢຸງ ເມື່ອທ້າຍປີ 2013 ແມ່ນໄດ້ພິສູດໃຫ້ເຫັນຄວາມໝາຍຂອງສາຍພົວພັນອັນດີງາມຫວຽດນາມ-ຍີ່ປຸ່ນ.
ສ່ວນທ່ານ Tsutomu Takebe ທູດພິເສດຂອງພັນທະມິດລັດຖະສະພາມິດຕະພາບຍີ່ປຸ່ນ-ຫວຽດນາມ ຖືວ່າ:
“ຂ້າພະເຈົ້າຄິດວ່າ, ການພົວພັນຍີ່ປຸ່ນ-ຫວຽດນາມ ໃນປີນີ້ຈະພັດທະນາດີທີ່ສຸດ. ການພົວພັນຍີ່ປຸ່ນ-ຫວຽດນາມ ແມ່ນການພົວພັນຄູ່ຮ່ວມມືຍຸດທະສາດ ແຕ່ຕາມຂ້າພະເຈົ້າແລ້ວນັ້ນຍັງແມ່ນການພົວພັນໄວ້ເນື້ອເຊື່ອໃຈຊື່ງກັນ ແລະ ກັນ. ນາຍົກລັດຖະມົນຕີສອງປະເທດກໍ່ໄດ້ຢັ້ງຢືນສິ່ງດັ່ງກ່າວ. ຂ້າພະເຈົ້າຫວັງວ່າ, ປີໃໝ່ຈະແມ່ນປີທີ່ສາຍພົວພັນລະຫວ່າງສອງປະເທດເລິກເຊິ່ງ, ແຂງແຮງຂຶ້ນຕື່ມ ແລະ ຈະຂຶ້ນສູ່ລະດັບສູງໃໝ່“.
ໃນວັນດຽວກັນ, ຢູ່ກຳປູເຈຍ, ທ່ານ Paso Cheatevong ເຈົ້າຄອງນະຄອນຫຼວງພະນົມເປັນ ໄດ້ນຳໜ້າຄະນະຜູ້ແທນການນຳ ນະຄອນຫຼວງພະນົມເປັນ, ສະພາ ປຊຊ ພະນົມເປັນ ໄດ້ໄປຢ້ຽມຢາມສະຖານທູດຫວຽດນາມ ປະຈຳກຳປູເຈຍ, ມອບດອກໄມ້ ແລະ ອວຍພອນໃນໂອກາດບຸນປີໃໝ່ປະຈຳຊາດຫວຽດນາມ ປີມະເມຍ 2014. ໃນຂະນະນັ້ນ, ຄະນະຜູ້ແທນແຂວງບໍລິຄຳໄຊ ນຳໂດຍທ່ານ ປານນ້ອຍມານີ ເຈົ້າແຂວງແຂວງບໍລິຄຳໄຊ ນຳໜ້າໄດ້ໄປວຍພອນບັນດາອົງການປົກຄອງແຂວງເງະອານ. ກ່ອນໜ້ານັ້ນ, ຄະນະຜູ້ແທນກອງບັນຊາການທະຫານແຂວງວຽງຈັນ ແລະ ຫົວພັນ ກໍ່ໄດ້ໄປຢ້ຽມຢາມ, ອວຍພອນປີໃໝ່ກອງບັນຊາການທະຫານແຂວງເງະອານ ເຊັ່ນດຽວກັນ./.